ها نبدأ شغل بجد ( اول مشروع فى خدمة الدفعة الجديدة )

[color=#4e5155]السلام عليكم يا جماعة

انا كنت عاوز اأجل المضوع ده بعد ظهور النتيجة بالفترة كمان

لكن مش ها ينفع كده ها نفضل معطلين كل شغلنا لغاية امتى ؟؟؟؟؟؟؟؟؟؟؟؟

قولت خلاص نبدأ بأول مشروع ها يكون سهل وبسيط ومش محتاج شغل كبير اووى

من الاعضاء ,,,,,,,,,,,,,,,,,,

يا جماعة اذا كنا احنا تعبنا فى اول السنة وتوهنا فى اول شهرين وما فقناش الا لما لاقينا نفسنا غرقانيين

فى حوستنا وكنا كارهينا فى بداية الامر ....... يا جماعة كل واحد قابل مننا مشاكل فى بدايته دراسته فى الكلية

مش عاوزين يا جماعة اللى داخلين لسة سنة اولى يحصل معاهم زى ما حصل معانا كده وعلشان كده من خلال المنطلق ده نبدأ فى مشاريع نقدر نخدمهم فيها وده ها يكون اول شىء نقدر نفيدهم بيها

بس فى بداية الامر يا جماعة قبلوا ما تتكتبوا اعقدوا النية انكم بتكتبوا فعلا علشان ناويين تساعدوا بجد

وخلوا النية لله

الموضوع بكل بساطة ناويين نعمل مزكرة صغيرة فى شكل مزكرة او نوتة مستطيلة بشكل ظريف

ها نقدمه لطلبة الدفعة اللى جاية علشان يقرووه ويساعدهم طيب ها نكتب فى ايه

ها نكتب الاول خلفية عن الكلية وانها كلية لازم يرضى بيها مش علشان مجموعه جابها وبس لاءعلشان هيا فعلا كليه ليها مستقبل ودراستها ها تفيدك فعلا وتقدر تحس بيها فى حياتك

المشاكل اللى ممكن تقابله فىالكلية وطبعا تتلخص فى ( اللغة والسفر ) وا ازاى نقدر نتغلب عليهم

واى مشاكل تانى ممكن تواجهم طبعا السكن كمان نقطة مهمة واى مشكلة فعلا واجهتكم يا جماعة اكتبها

يواريت ما تبخلش بيها علينا

فكرة صغيرة عن الكلية ومكانها ومواعيدها والجدول

فكرة عن القصر العينى والمواد اللى بناخدها هناك

اسهل الموصلات اللى ممكن ياخدها للقصر العينى وانتا تفضل ايه

متروا وينزل سادات ويعير ينزل سعد زغلول

تاكسى من قدام الكلية لو لاقاه

يتمشى لاول الشارع وياخد مواصلة سيدة زينب

اتوبيس 919 من ورا اذا كان الرقم صيح

موتورجل وامره لله ولا ايه ............

فكرة عامة عن المواد اللى بندرسها فى سنة اولى ونظام دراستها ايه والسكاشن والمحاضرات بتاعتها

والمادة ده ايه وجه الاستفادة منها بعد كده فى الدراسة

درجات المخصصة لكل مادة والامتحانات بتاعتها واعمل السنة بتاعتها والامتحانات بتاعتاه بتبقى ايه النظام

والميد الترم وياريت لو حد فكار مواعيد بتاعتها

فكرة انه ممكن يشترى عظم او ممكن ما يشتريش ويستعين بمشرحة اللكية اللى فوق او فى القصر العينى

لو فيه اى حاجة ممكن يستعين بيها من كتب او اسطوانات زى قاموس فوزى جاب الله واسطوانات انتومى لدكتور محمد كمال وهكذا

البالطوا والحااجت التانية اللى كانوا فىاول السنة بيقولا لازم تشتروها وفى الاخر عرفنا اننا مش حنحتاجها

الكتب بتتأخر فى اول السنة ها يروح يشترى ورق ملخصات من المكاتب ولا لاء

فكرة عن الكورسات اللى بتتاخد برة واماكناها مفيدة ولا مش مفيدة يحضرها ولا يحضر مراجعات بس

ولا يركز فى محاضارات الكلية ولا ايه

المدينة الجامعية ومشاكلها فى الاول وازاى يتأقلم على الوضع الجديد معاها ونظامها ايه

السكن الخارجى ياريت يا جماعة اللى يعرف اى شقق برة او ارقام سماسرة يقدر يكتبها او يقولها

لان اللى بيكون جاى من بلدهم بيكون غريب ( والغريب اعمى حتى لو كان بصير )

عاوزين يا جماعة كل اللى عاوز يقول حاجة يكتبهالنا فى الموضوع ده عاوزين بجد مشاركة حقيقية كل الكلام ده

ها يتجمع فى الاخر وها يتنظم ونقدر ننزله فى صورة عرض ممتازة بس يا جماعة فيه حاجات تانية كتير عاوزين نقولها

طبعا يجماعة الافكار كتيرة انا قولت منها حبة بحيث عاوزين اللى يكون داخل الكلية يكون فاهم االدنيا ماشية ازاى

وفى انتظار افكار وحلول لمشاكل قابلتكم

الهلالى

[/color]

فكرة جاااااااااااامدة يا هلالى
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

فكرة المذكرة دى حلوة
وانا معاكم ان شاء الله
انا من رأيي ان كل واحد يعمل المذكرة ويلم فيها كل الافكار الممكنة وبعدين يبعتهالك او للمسؤول عن الموضوع وبعدين تتجمع الافكار كلها.. وكدة حتكون المذكرة شاملة

هى فكرة كويسة والواحد مستعد يعمل اى حاجة.

أنا إن شاء الله معاكم في الموضوع دة

بص يا هلالى الفكره كويسه بس لو اتعملت لازم تكون كويسه وتقدر تغنى عن اللى بيعمنلوه بتوع الاخوان

المهم معاك وهبدا افكر بس انت عارف الامتحانات والقرف

انا عندى اقتراح تانى وهى فكره جاتلى من جامعه عين شمس بس هتبقى صعبه شويه

لما تدخل عين شمس هتلاقى خيمه كبيره فيها طلبه يحاوبوك عن كل حاجه انت عاوزها

طبعا مش هينفع نعمل خيمه ياريت حد يفكر فى حاجه شبيهه
_________________
مستقبل كليه العلاج الطبيعى

الحمد الله يا جماعة فيه تجاوب

لكن المشكلة يا جماعة انا مش عاوز كل واحد يدخل فكرة حلوة وانا معاكم
عاوزين شغل بجد
ابعتولى على الخاص او اكتبوا هنا الافكار بتاعتكم زى منا كاتب كده
او اعرضوا افكاركم زى ما حمادة عمل كده

لو قعدنا كل واحد يقول حلوة وكويس وانا معاكم
احنا فعلا محتاجين لكل حاجة يلا ياجماعة

واحد بيقولكم حسانات للبييع

وبالنسبة للفكرة بتاعتك ده حلوة اووى يا حمادة طلبة يجاوبوك وياريت نعملها مش لازم خيمة

احنا ممكن نعملها فى البرتشن اللى ورا الكافتيريا ده ونكون مع بعض واقفين ونجيب طرابيزة صغيرة ونقعد ويكون برده لينا اصحاب واقفين جمب باب الكلية وناس واقفة فوق عند شؤون الطلبة وناس عند المدرجات بحيث يقدر يدلهوهم علىالمكان بتاعنا .........

الله عليكى يا عين شمس والله الواحد بيحسدهم حسدا محمودا ..... شوف فيه ناس شغالة اهى

وعاوزة تعمل حاجة نفسها تغير من النظام الكائن نفسها تعمل حاجة

احنا مش عاوزين نغير الكون ولا حجاة احنا عاوزين نغير من نفسنا الاول وبعد كده

نقدر نساعد الناس

يارب كلامى ده ما يروحش هباءا منثورا ............

اللهم اسئلك التوفيق

فى انتظار مشاركتكم الحقيقية

الهلالى

حاولت يا هلالي
ودي أفكاري([size=24]بمعنى لو واحدة وقفت معاكى فى اللكية وقاللتك فهمينى ايه هيا الكلية ده ها تقولوها ايه )
[/size]الكلام اللي هقولهولها كالتالي:

كليه العلاج الطبيعي أحد كليات الطب البشري اللي بتهتم بعلاج المريض بدون مواد كيميائية وأحلي حاجة فيها لما تشوفي المريض وفي وجهة أبتسامة أمل
الحمد لله ..... ماتكرهشي الكليه دي
ربنا رزقك بيها قبل كل شيء والللي فيه الخير يقدمه ربنا
الكليه مجالها واسع أوي برا وما تقلقشي من الناس اللي بتقولك أنك مدلكاتي
أتقالتلنا كتير
بس لما تخش في الدراسة هتعرف أنها حلوة أوي وأنت مش مدلكاتي ولا حاجة
أنت دكتور .....قبل أي شيء
بس تذاكر أول بأول عشان المواد ماتتكومشي عليك
وإن شاء الله أي خدمة هتلاقي زمايلنا في الكليه هيساعدوك)

وبالنسبة للمواد :-
عندنا 8 مواد في السنة الاولي وهي
1-أناتومي : وفيها بندرس الupper limbو الlower limb والpelvis والabdomin
مادة من 200 علي ترمين ....يعني كل ترم 100 درجة ... مقسمة على 30 درجة للعملي و70 درجة للكتابي... ودي مادة مهمة جدا وعايزة مذاكرة من نار
2-فسيولوجي :مش عارفة فيها كتير بس هيا مادة من 200 زي الأناتومي بالظبط وعايزة مذاكرة هي التانية
3-كيميا حيوية :-مادة من 200 زي الأتنين اللي فاتوا ومادة عايزة متابعة وحضور محاضرات
العملي بتاعها 15 درجة والباقي 85 درجة للكتابي Writen
4- فيزيا حيوية :- مادة من 100 درجة ....للترم الأول 50 درجة منهم 15 درجة ميد تيرم والباقي 35 علي الترم الأول ودي مادة سهلة أخدتها في الثانوية ومادة فهم من الدرجة الأولي
5- الأنجليزي (اللغة):- مادة من 100 درجة للترمين .......50 درجة للترم .....منهم 10 درجات للبحث اللي الدكتور هيقولك عليه ....بيبقي غالبا مواضيع سهلة وحرام أنك تضيع الدرجات دي من أيدك ....والباقي 40 درجة على امتحان الترم
6-هستولوجي (علم الأنسجة ):-مادة من 100 درجة......على 50 درجة لكل ترم ....منهم 5 درجات كتاب ومعاهم 10 درجات للعملي والباقي تقريبا 35 درجة للكتابيwritten
7-ميكانيكا حيوية(بيو ميكانيكس): مادة من 200 درجة .....لكل ترم 100 درجة ....فيها 50 درجة على أعمال السنة (من حضور وغياب ومتابعة وأمتحانات ميد تيرم)والباقي 50 درجة للنهائي.
8- ثيرابيوتيك وإلكترو: دول مادتين في مادة واحدة ......من 400 درجة ....200 للترم الواحد منهم 100 لكل قسم مادة من حضور وغياب وفيها 50 درجة متابعة من حضور وغياب وأمتحانات شفوي وتحريري وامتحانات دورية والباقي للنهائي

فية مواد اسمها (مواد الطب- الميديسن) وهما الأربع مواد (أناتومي -فسيولوجي -كيميا-هستولوجي) ممكن تقول أنها مواد مالهاش لازمة في الدراسة بتاعتنا ...... بس هي في الحقيقة مهمة جدا ....عشان أنت هتتخرج وهتبقي في وسط دكاترة ....عشان تبقي اهم هما بيتكلموا عن أيه ..... عشان يبقي عيب يتكلموا عن حاجة وأنت مش فاهم عنها أي شيء
والمواد بتاعة الكليه هتحس وأنت بتدرسها أنك بتستاد من غير ماتكمل الدراسة للأخر

ممكن أنك تاخد بعد الدراسة تدريبات عند الدكاترة الكبار عشان تاخد خبرة أكتر

[size=12]وإن شاء الله أي خدمة هتلاقي زمايلنا في الكليه هيساعدوك-اللي هما أحنا-

معلشي طولت عليكوا

[/size]

معاكم ان شاء الله

كلامك ما شاء الله عليه يا رغده كويس جدا
ان شاء الله انا معاكوا
تيتو
_________________
اللهم احسن خاتمتنا فى الامور كلها
وأجرنا من خزى الدنيا وعذاب الاخره

كويس اوي بس عايزين تحديد اكتر عشان نعرف نبدأ منين...و احنا فعلا عايزين نشتغل...عايزين نحدد وقت نبقى عارفين ان معظم طلب أولى الجداد جايين فيه و ندي لبعض معاد و كلنا نروح الكليه و نعمل فكرة البارتيشين اللي ورا الكافيتيريا..و كل واحد قبل ما يروح ينظم افكاره و يحضر اللي يقدر يساعد الطلبه بيه...و كمان يا ريت دكتور هلالي يعمل موضوع مخصوص عشان نبدأ نكون و ننظم فيه المذكره بحيث اننا نكمل بعض((زي موضوع تعالوا نختم القرآن في منتدانا)))

صح ياهلالي فكره تحفه بجد بس لازم فوق المزكره تتكلم معاهم اول يوم الان الكلام احسن انا عارفه انك مش هتعرف تتكلم معاهم كلهم بس احسن من الورق وده مش معناه انك متعملش مذكره اعمل وابدا فيها الاول
1- تتكلم عن الكليه انشئت امتي وكانت في الاول ايه وبتتكلم عن ايه وكده
2- تتكلم عن كل ماده وتفاصيلها والحاجات المطلوبه ليها مثلا السرابيتوك قسمين الاكترو والسرابيوتك الالكترو عاوز ين بالطو بس لكن السرابيوتك شورت وبنطلون ابيض وتيشرت والبلطو وكمان متنساش تقول عن كشكول العملي وباقي المواد كده
3-تتكلم عن احسن الدكاتره في الكليه وانهم مش مهم يحضرو الانجليزي وتتكلم احسن كتب لدكاتره القصر العيني وكده
4- تتكلم عن مواصلات القصر العيني بس اسهل حاجه اربعه مع بعض تاكسي ويدفعو 4 او5 جنيه
اسهل من المترو المترو الواحد بينزل يمشي محطه كامله التاكسي اسهل
6- تكلمهم عن طريقه المزاكره وكل ماده بيتلغي منها في الاخر زي الهستولوجي ميزاكروهاش كلها
7- صحيح متنساش تكلمهم عن الامتحانات اللي بتتعمل كل اسبوع في بعض المواد وامتحانات العملي والشيتات زي الفسيولو جي لاحسن عشان ميتفجأوش زينا
8- وكمان تتكلم عن الدرجات وكل ماده عليها اد ايه

فكره جامده قوي يا د/هلالي ...
انا كنت بفكر اعمل كده بس كسلت لاني لوحدي ..بس انت كده شجعتني ...
انا رائي ان احنا لازم نكون موجودين يوم المقابله اللي بتكون قبل الدراسه ..لو حد يعرف ميعادها ..ونروح من قبل المقابله بساعتين ..ونتكلم مع الطلبه الجدد..ونعرفهم كل اللي انت اقترحته واللي اقترحه باقي الاعضاء..بحيث ان كل المشاكل اللي ممكن تواجهم في الدراسه تتحل علي بدايه الدراسه...
يعني زي السكن لازم المشكله تتحل مع بدايه الدراسه مش بعد الدراسه باسبوعين..لما يكون فاتهم جزء كبير...
بالنسبه للمذكره..هي فكره جميله ..وهتكون عباره عن تذكره للطالب بكل اللي احنا هنقلهولو-ان شاء الله-
وبالنسبه للمواصلات للقصر العيني....فالتاكسي اسهل واوفر موصله لما يكونو 4 في الصيف ..اما في الشتاء ممكن يتمشو لغايه جامعه القاهره وياخدو مواصله للسيده..وعايزين نبقي نوصفلهم فين جامعه القاهره دي اساسا..وموقعها هي والقصر بالنسبه لكليتنا...
وطبعا بالنسبه للمواد...غاده قالت كتير...انا بس عايزه اضيف ان كل ماده وليه طريقه مذاكره..يعني في مواد ممكن تتركن زي الهيستولوجي..ومواد لازم تتذاكر اول باول زي الاناتومي والميكانيكس....
وبالنسبه لموضوع العظم ....في ناس عرفت تكمل وتعدي من غير متشتري العظم ...وفي ناس اجرتهمن عين شمس انا عملت كده....احنا ممكن اللي فينا عنده يأجره للجدد وهتمشي +العظم اللي في مشرحه الكليه...
معلش هي دي الافكار اللي في دماغي دلوقتي ...لو جت حاجه تاني في دماغي هكتبها....
اننا طولت ..بس ده لان انا فعلا متحمسه للموضوع ده ...ومش هتأخر عن المساعده....

انا هقولكم ازاى تكلموهم عن مستقبل الكلية وموضوع دكتور ولا اخصائى
_________________

اهلا بالطلاب الجدد

انا هكلكم عن مستقبل الكلية شوية لان ده الاهم

انتو ناس جايبين97.19

يعنى ناس مخها نضيف ومتفوقين ومتقللوش من نفسكم انكم ما لحقتوش طب او صيدلة او اسنان

احب اقولكم اننا جزء من بنيان المجال الطبى .... بل انه بيبقى قاعدة المجال الطبى فى بعض الاحيان

لان فى حالات مش تنفع تتعالج غير بعلاج طبيعى

مستقبل الكلية الحمد لله كويس جدا

من النهاية كده احنا الوحيدين اللى فى المجال الطبى ما اتشلش عننا التكليف

يعنى بتدرس 4 سنين وسنة امتياز وبعدها يجيلك توظيف حكومى

حكومة؟؟هتقولى طيب انا مالى ومال الحكومة كبيرها هتدينى 200 جينى

لا يا دكتور خلى بالك التوظيف الحكومى ده مهم جدا ولو مكنش مهم مكنش بتوع طب بشرى عملوا مظاهرا لما اتلغى قرار تكليفهم

هتقولى يعنى هوا مستقبل الكلية ان ليها تكليف؟

لالا بص سبنى اكمل كلامى بس انتا اساسا لما تخلص سنة رابعة هتبدا تشتغل فى عيادات يعنى هتشتغل وانتا بتدرس

ولما تبقى فى امتياز بقى العملية هتزهزه عارف انا اعرف ناس فى امتياز شغالين فى عيادات بياخدوا 200 جنيه فى الاسبوع

تخيل 200 جنيه دى كبداية بس

طيب ايه مستقبل الكلية تانى؟

بص يا سيدى انتا ممكن تشتغل فى مستشفيات خاصة على فكرة مستشفيات كتير اوى بتزحف وراء دكاترة علاج طبيعى وذلك لقلة عددنا وفى مستشفيات بتلم تمنها واكتر من قسم العلاج الطبيعى من النهاية هوا اللى بيشغل المستشفى

طب ااقولكم على حاجة تعرفوا ان احنا الوحيدين اللى من حقنا نشتغل فى الخارج من غير شهادة معادلة

يعنى ناس بالبكلوريوس بتروح تشتغل فى كندا وامريكا ودول اوروبا او الخليج

عكس خريجيين الطب او الصيدلة دول يا عينى لازم يعملوا معادلة ويدرسوا مناهج الدولة اللى هيسافروا ليها

طب تعرفوا ان كليتنا بتجمع بين مميزات طب وصيدلة

هتقولى يا عم انتا بتشتغلنا طب ياه وصيدلة ايه؟

لا بص بس مميزات طب انك بتبقى دكتور محترم شغال فى مشتشفى وعيادة وتحت ايدك ممرضات وبتعالج عيانين بيحترموك طبعا

ومركز اجتماعى بيبقى 10على 10

طب ومميزات صيدلة ان كليتنا مستقبلها مضمون ومربح

نصيحة اخيرة

متديش ودنك لحد هتسمع كلام كتير بس صدقنى خد الكلام الكويس وسيبك من كلام التعجيز

وصدقونى والله كله بيتساوى فى الاخر طب او صيدلة او اسنان او علاج طبيعى

الشاطر هوا اللى يعرف يثبة نفسه فى مجاله ويجيب فلوس
_________________