ملخص تفصيلى لروند عظام

مواد بى تى

ع.ط امراض العظام
________ ماده طويله اكتر من دكتور وكل دكتور ليه كتابه وليه جزء فى الامتحانات ومحتاجه مزاكره جدا جدا جدا جدا
الدكاتره
* دكتور باسم النحاس علامه الكليه ومن اكتر الدكاتره علما بس كتابه صعب وامتحانه بيبقى صعب كتابه كبير ولازم يتقرى وتحاول تحفظ على قد ما تقدر وامتحانه بيبقى عليه نص درجه التحريرى 25 درجه ده غير انه ليه حوالى 3 رجات فى امتحان الميد تيرم يعنى مهم بالنسبه للدرجات وهو امتحانه على طول كان بيبقى امسى كيو انماعلى حظ دفعتى المنحوسه جاب 9 شورت نوت ومش هقول على احساسنا داخل اللجنه ( مواضيعه // كسور اللور ليمب و امراض مفصل الركبه والانكل وجراحات اربطه الركبه _ الاربطه الصليبيه _ كسور مفصل الفم tmj و neck pain و gait training

* دكتور مجدى النجار برضه استاذ كبير وجزئيته كويسه وهى عباره عن محاضرات بتبقى موجوده فى المكتبات وهو هو نفس الكلام بيتقال كل سنه ومعروف ايه اسئلته هى بتبقى شورت نوت بس سهله جدا ( مواضيعه evaluation and assesment -- back pain -- rheumatoid arthritis -- والمواضيح سهله جدا

* دكتوره ايناس وليها كتاب كلامه سهل وحلو وبرضه اسئلتها شورت نوت ( مواضيعها كسور الابر ليمب - مشاكل مفصل الكتف shoulder - مشاكل مفصل الكوع بالاضافه الى كام موضوع تانى بس ملخصها لذيذ وكويس
* دكتوره سلوى ليها كتابين الاول كتاب scoliosis ده صعب ورخم والتانى osteo arthritis وده ورق سهل ويتحفظ بسهوله

## الحضور هيبقى مهم عشان الغياب ودكتور مجدى لازم تحضرله عشان تفهم كلامه انما الباقى مش فارقه
## الماده من 100 ( 10 او 15 ميد تيرم + 5 ميد تيرم عملى + 30 فينال تطبيقى سكاشن + 50 درجه فينال تحريرى على ورقتين الاولى دكتور باسم 25 درجه وبيبقى معاه دكتور محمد ابراهيم بيشرح جزىء من كتاب دكتور باسم والورقه التانيه 25 درجه مقسمه كالاتى 12 درجه دكتور مجدى و 6 دكتور ايناس و6 دكتور منال )
## السكاشن طوييييييييييييييييييييييييييله بس مهمه لان العملى مش هيتقال الا فيها وده كله فى كتاب physical examination الاصفر الكبير فى مكتبه ثرى ام
##

الاطراف والجبائر الصناعيه ( orthosis and prothesis )
_____ ارخم ماده هتقابلك فى حياتك مش مفهومه ولامعيدين فاهمينها والكتاب لسه متغير على حظ دفعتنا النحس بقى كتابين كبار وملخصها لما يحصل بتر للمريض ايه هو نوع الطرف الصناعى اللى بيستخدمه وايه فوايده لكل نوع وايه عيوبه والكلام ده بس ماده صعبه اوى اوى اوى اوى للصبح

*دكتوره منال
* دكتور نقيب العلاج الطبيعى احمد حسن
## حاول تحضرها يمكن تفهم حاجه
## سكشنها مهم
## 50 درجه ( 10 ميد تيرم + 10 فينال تطبيقى سكاشن + 30 تحريرى فينال )

مواد ميدسين
اصابات العظام trauma ________
دى بقى بتتكلم عن كسر كل عظمه فى الجسم مناصغر عظمه لاكبر عظمه سهله بس عاوزه صبر فى المزاكره ومتتلخبطش بين المواضيع المختلفه مجملها كويسه
## 50 درجه منهم 10 ميد تيرم
## الامتحان شورت نوت

امراض العظام bone disease
_____ بتتكلم عن كل امراض العظام قريبه اوى من ماده الباثولوجى بتاعه تانيه عاوزه حفظ جامد
##50 درجه منهم 10 ميد تيرم
## الامتحان شورت نوت و ام سى كيو

علم الاشعه radiology
_______ ماده هتجيب فيها ماتياز ان شاء الله دكتورها لذيذ وبيسهل الماده وبيقول ع الامتحان ومش محتاجه الا مزاكره ليله الامتحان

مواد الميدسين من 50 درجه منها 10 ميد تيرم

المستشفيات

حضراتكم بتتوزعوا كل 30 او 35 فرد ( السكشن بتاعك من اول ما دخلت الكليه م الاخر هما هما اللى معاك ) على مستشفى لمده 3 اسابيع وفى نهايه كل شيفت اللى هما 3 اسابيع يعنى بتمتحنوا كويز من 5 درجات على كل اللى اخدته فى فتره ال 3 اسبيع دول

وبيبقى يوم احد وتلات وخميس ولازم يكون معاك جونيومتر وتركز قوى ومتغيبش اكتر من مره كل شيفت واخرك مرتين اكتر من كده يبقى صعب

وفى المستشفيات فى حاجه اسمها INPATIENT OR OUT PATIENT الان بيشنت دى معناها ان المريض مكسور او عامل عمليه وقاعد فى السرير وانت اللى رايحله وداخل عليه العنبر او الاوضه وهتعالجه وهو فى السرير وده غالبا شغله سهل وفى الحياه العمليه مش شغال اوى انما الاوت بيشنت شغلك كله يعتبر فى الحياه العمليه ده معناه انك فى العياده او المركز الطبى اللى انت شغال فيه والمريض بيعانى من مشكله معينه وجايلك على رجله وانت هتعالجه فى العياده يعنى م الاخر مش كسور غالبا وهتبقوا تعرفوا الامراض دى ايه

صدقونى احلى ما فى الكليه فى السنه دى هو المستشفيات هتحس بجد بقيمتك انك دكتور وهتسمع دعا الناس الغلابه ليك لما تلاقى واحد بيدعيلك بعد جلستك معاه هتحس باحساس تانى وطبعا مفيش هزار كتير بينكم قدام العيانين عشان المنظر العام وعشان يحترمكوميقلكش على حاجه لا لانهع ممكن يقولك لا انا مش عاوز اعمل اللى انت بتقول عليه حقه

المستشفى 100 درجه منهم 20 شيفتات 4 شيفتات فى خمس درجات

و80 درجه امتحان فينال مسشتفى اللى لازم الولاد يلبسوا فيه بدله والبنات ممنوع تلبس اى حاجه جينز لان الكالم ده عليه درجات صدقونى وبيريح الدكتور اللى انت داخله

المستشفيات اللى بنروحها ( القصر العينى/ ان و اوت/ --- الكليه العياده الخارجيه /اوت / ---- ام المصريين /ان / ---- معهد ناصر/اوت/ )

عموما الدراسه بتبدا من الساعه 8 كالعاده انما فى المستشفيات بتبدا 8.30 وبتنتهى على 3 او 4 حسب اليوم وفى ايام ممكن تحضر المستشفى الصبح وتروح لان اليوم محاضراته مش مستاهله الحضور

_________________
مستقبل كليه العلاج الطبيعى

حلو الشغل والملخص الجميل يا دكتور محمد وربنا يكرمك
_________________
أبو صلاح

انا حاسس انى مش كاتب كل حاجه ياريت لو انت فاكر حاجه تانى قولها
_________________
مستقبل كليه العلاج الطبيعى

ليك يادكتور بس انت رعبتنى شويتين بس يلا ربنا يستر

رعبتك من ايه بس
_________________
مستقبل كليه العلاج الطبيعى

ماده طويله اكتر من دكتور وكل دكتور ليه كتابه وليه جزء فى الامتحانات ومحتاجه مزاكره جدا جدا جدا جدا

دكتور باسم النحاس علامه الكليه ومن اكتر الدكاتره علما بس كتابه صعب وامتح
اانه بيبقى صعب كتابه كبير ولازم يتقرى وتحاول تحفظ على قد ما تقدر

الاطراف والجبائر الصناعيه ( orthosis and prothesis )
_____ ارخم ماده هتقابلك فى حياتك مش مفهومه ولامعيدين فاهمينها

ماده صعبه اوى اوى اوى اوى للصبح

من كده يعنى بس هى دى طبيعه اى شىء فيها الصعب وفيها السهل والشاطر اللى يحول الصعب سهل بمشيئه الله

جزاك الله كل خير يا دكتور
وكنا فعلاً في حاجة للمعلومات ديه
ميرسي أوي ليك

لو سمحت يادكتور نظام الدراسه ازاى فى كل يوم دراسى؟

وياترى ايه المستشفيات اللى بنروحها؟

واقل يوم دراسى بينتهى بيبقى فى حدود الساعه كام؟

وياترى الروندات بتتقسم فعلا من ا الى ر روند ومن رالى ما روند ومن بقيه الميم للنهايه روند؟

ومتشكره جدا ليك وربنا يكرمك ويوفقك

كل اسئلتك هضيفها كتعديل ف ى اول مشاركه فى الاخر

ودكتوره لانا حضرتك بتقولى صعب بس انا قلت اقولكم كده احسن ما اقعد اسهلكم الدنيا والاخر تلاقوا كلام تانى وتدعوا عليا انى مقلتلكمش الحقيقه ولو حضرتك بصيتى فى الروندات التانيه انا قلت على مواد كتير سهله

بس فعلا اورثو مش سهل وعاوز مزاكره
_________________
مستقبل كليه العلاج الطبيعى

انت عملت اللى عليك يادوك وقولت حقيقه الروند بدل ماكنت تقول سهل ونستهتر بيه عموما ميرسي ليك اوى وربنا يكرمك

ويارب يكون روند سهل عليكم
_________________
مستقبل كليه العلاج الطبيعى

جزاك الله كل خير يا دكتور

thnx alot for ur information
but plz try to tell me what to do in orthosotics i dont understand any thing from the book
_________________
لو سألوك الناس ليه الضى جوه عيونك ما بيلمعش قولهم العيب مش فيه ده العيب فى الضى
انا مش عاشق ضلمه ولا زعلت الضى
وان معرفتش تضحك اوعى تدمع ومتبكيش وان مفضلش معاك غير قلبك اوعى تخاف مش هتموت هتعيش

انتى لسه فى البدايه متتخضيش الموضع مش صعب كده

واحده واحده

وعلى العموم احنا فى الكليه وتحت امركم اى حد عاوز اى حاجه مش فاهمها احنا تحت امره
_________________
مستقبل كليه العلاج الطبيعى