المستشفيات

حضراتكم بتتوزعوا كل 30 او 35 فرد ( السكشن بتاعك من اول ما دخلت الكليه م الاخر هما هما اللى معاك ) على مستشفى لمده 3 اسابيع وفى نهايه كل شيفت اللى هما 3 اسابيع يعنى بتمتحنوا كويز من 5 درجات على كل اللى اخدته فى فتره ال 3 اسبيع دول

وبيبقى يوم احد واتنين وتلات واربع ولازم وتركز قوى ومتغيبش اكتر من مره كل شيفت واخرك مرتين اكتر من كده يبقى صعب

صدقونى احلى ما فى الكليه فى السنه دى هو المستشفيات هتحس بجد بقيمتك انك دكتور وهتسمع دعا الناس الغلابه ليك لما تلاقى واحد بيدعيلك بعد جلستك معاه هتحس باحساس تانى وطبعا مفيش هزار كتير بينكم قدام العيانين عشان المنظر العام وعشان يحترمك وميقلكش على حاجه لا لانه ممكن يقولك لا انا مش عاوز اعمل اللى انت بتقول عليه حقه

المستشفى 100 درجه منهم 20 شيفتات 4 شيفتات فى خمس درجات

و80 درجه امتحان فينال مسشتفى اللى لازم الولاد يلبسوا فيه بدله والبنات ممنوع تلبس اى حاجه جينز لان الكالم ده عليه درجات صدقونى وبيريح الدكتور اللى انت داخله

المستشفيات اللى بنروحها ( القصر العينى ---- ام المصريين---- المطريه---بولاق---الكليه ---- )

والمستشفيات بتبقى مستشفى ثابته طول السنه للنسا يوم الاحد والتلات اما التنين والاربع بيبقوا يوم جراحه ويوم حروق

عموما الدراسه بتبدا من الساعه 8 كالعاده انما فى المستشفيات بتبدا 8.30 وبتنتهى على 3 او 4 حسب اليوم وفى ايام ممكن تحضر المستشفى الصبح وتروح لان اليوم محاضراته مش مستاهله الحضور