اريد جوابا من ......(د\/حسام فوزى)

السلام عليكم ورحمته الله وبركاته
أسئلة كتير اوى سمعتها من ناس كتير اوى
فى اللجنة بتاعت الجوالة بالأخص لان باقى اللجان لم يكن هناك تنافس المشكلة كانت فى لجنة الجوالة لذلك أريد جواب من الدكتور حسام وياريت ترد عليها يا دكتور واضيف عليها بعض أسئلتى الشخصية

1- هل تؤمن شخصيا بأن هناك انتخابات نزيهة فى جميع المجالات فى جامعة القاهرة ؟؟؟؟

2- هل تعتقد أن هناك انتخابات نزيهة فى كلية العلاج الطبيعى؟؟؟؟؟

3- هل تعتقد أنك نجحت فى الإنتخابات بشعبيتك ومجهودك أم بمجهود الأخرين (للتوضيح الآخرين ليسوا أعضاء كايرو بى تى )؟؟؟؟؟؟

4- هل تعتقد أن شعبيتك فى الكلية أعلى خمس أضعاف من شعبية الهوارى المنافس ليك مع إن الواقع بين الناس هو العكس ؟؟؟؟
للتوضيح (أنا لا أؤيد الهوارى فى الإنتخابات )

5- بماذا ترد على شخص كان موجود داخل لجنة الفرز وجلس لمدة نصف ساعه لم ينتخب أحد حسام فوزى وكانت الأصوات جميعا للهوارى ؟؟؟

6- بماذا ترد على شخص بيقول انا الدكتور محمد حامد والدكتور ضياء هما المتحكمين فى الإنتخابات بغض النظر عن أى تصويت ؟؟؟؟؟

7- هل حلت أسرة قلب واحد محل أسرة المواجهة قديما بهذه السهولة أم أنه لم يكون هناك وجود لأسرة المواجهة إلا إنهم هم أعضاء إتحاد الطلبة ؟؟

8- هل تعلم أن الدكتور محمد حامد هو من أنزل الهوارى الإنتخابات وقال له أنك سوف تنجح فى الإنتخابات ؟؟؟؟

9- لماذا تغير رأى الهلالى من أن الإنتخابات ضحك على الدقون إلى جدد حياتك شارك فى إنتخاباتك ؟؟

10- لو علمت أن إتحاد الطلبة القديم زور الإنتخابات لصالحك بدون علمك ماذا ستفعل ؟؟؟؟

اخيرا أنا بقول لحضرتك ربنا يوفقك فى الإتحاد ونشوف شكل جديد للإتحاد مش بتاع كل سنة تزوير وخلاص ومحدش بيعمل حاجه

اولا انا احب اقولك يا دكتور ان حسام ليه شهرته برضه ولو جينا نبص لحوار النزاهه ومش النزاهه مفيش حاجه فى البلد بتتم صح

ولو موضوع الاسره احب اقولك ان مفيش اى صله بين اسره المواجهه وبين قلب واحد ومش هتلاقى عضو او اتنين بالكتير كان فى المواجهه وبقى فى قلب واحد واكيد فرق النشاط واضح ومن البدايه ومن قبل الموافقه على الاسره اصلا

والدكتور محمد حامد رئيس اتحاد الطلاب عمره مهيساعد حد مش من حقه انه يوصل او هيتدخل عشان يزور انا بقولك الكلام ده وانا متاكد لان محمد حامد من اقرب الدكاتره ليا فى الكليه والكل عارف محمد حامد بيكره الكوسه قد ايه لانه اتاذى منها قبل كده

وان محمد حامد وضياء هما المتحكمين فى الانتخابات كانوا على كده كسبوا كل اللى تبعهم واكيد حضرتك عرفت ان فى ناس مكسبتش من اسرتنا يعنى مفيش كوسه

وعلى حكايه الفرز ونص ساعه ومفيش ولا صوت لحسام اكيد انت مش صح والسبب انهم عمرهم ما هيقولوا ان فلان كسب وهو اصواته اقل وكمان عمليه فرز الاصوات محدش بيحضرهاولو حد حضرها ومتاكد من التلاعب يقدم التماس بس الاول يكون متاكد من العدد

وكامن الهوارى او حسام كلنا اخوات وكلنا دكاتره وكلنا بنساعد بعض مش مهم مين اللى وصل او مين اللى نجح المهم مين اللى هيفيد وان شاء الله حسام يبقى قدها

هارد لك يا هوارى
_________________
مستقبل كليه العلاج الطبيعى

حبيبي اهلا بيك .... حضرتك من حقك انك تسال و انا هجاوبك علي كل اسئلتك و اتمني من الجميع انهم يسالوا و يشغلوا الاتحاد لان الاتحاد ممثل الطلبه و لازم يؤدي دوره ...

انا هجاوب ع الاسئله كلها بازن بامانه كامله

- هل تؤمن شخصيا بأن هناك انتخابات نزيهة فى جميع المجالات فى جامعة القاهرة ؟؟؟؟

بالنسبه للجامعه كلها صعب اني ارد ع السؤال ده لاني بامانه شدده مدخلتش جامعه القاهره نهااااااائي و اصحابي فيها ندره لكن اصحابي كتير في عين شمس و حلوان ..

بس اللي اقدر اقوله بناء عن اللي بسمعه ان فيه تيارات معينه بيتم شطبها قبل ما تنزل الانتخابات اصلا (زي ماحصل في جامعه عين شمس ) ...

2- هل تعتقد أن هناك انتخابات نزيهة فى كلية العلاج الطبيعى؟؟؟؟؟
و الله اللي انا شيافه ان مكنش فيه انتخاب اصلا و كل المجالات في كل الفرق انتهت بالتزكيه ماعدا الفرقه التانيه ...

و اللي الكل شايفه ان الطلبه بتخش ترشح اللي هي عايزاه و اللي الطالب عايزه بيرشحه مفيش حد بيتم ارغامه و مفيش تزوير لان كل طالب بيخش بكارنيهه

و الفرز بيتم عن طريق موظفين و لو فيه طلبه بيبقوا للمساعده ليس الا ...

3- هل تعتقد أنك نجحت فى الإنتخابات بشعبيتك ومجهودك أم بمجهود الأخرين (للتوضيح الآخرين ليسوا أعضاء كايرو بى تى )؟؟؟؟؟؟
يعني ايه مجهودي او مجهود الاخرين ...

يعني لو واحد مقتنع بيا و عايزني امسك و بيقول للناس ترشحني ابقي كده نجحت بمجهوده ... يا باشا دي انتخابات و انا قلت للناس ع الملا اللي عايز اعمله و بعدين انا نشاطي واضح و باين و اظن بحكم ان حضرتك مشرف و بتخش شوفت اننا بنظم نفسنا و بنشتغل ازاي ...

4- هل تعتقد أن شعبيتك فى الكلية أعلى خمس أضعاف من شعبية الهوارى المنافس ليك مع إن الواقع بين الناس هو العكس ؟؟؟؟
للتوضيح (أنا لا أؤيد الهوارى فى الإنتخابات )

يا سيدي مين قال ان الواقع بين الناس هو العكس ... هو كل واحد يطلع يقول انا رشحتك يبقي فعلا رشحني ..لا في ناس كتييييييييير اوي بتجامل ...

و بعدين اظن ان فيه 900 طالب من اللي مسجلين في المنتدي قوووووووووووووووووووول 300 طالب اللي بيخشوا و يداوموا عارفين حسام فوزي الادمن و عارفين شغله و بيتفاعلوا معاه ...

و بعدين بردو في نقطه مهمه وانا مقصدش بيها حاجه بس للعلم... ممكن واحد يكون معروووووووووووووف اوي في الدفعه تيجي تقول تعرف فلان يقولك اه اعرفه ده رخم اوووووووووووووووووي او سافل ... قصدي ان المعرفه مش هي الاساس لكن الاساس السيره الطيبه و الشغل المظبوط.....

5- بماذا ترد على شخص كان موجود داخل لجنة الفرز وجلس لمدة نصف ساعه لم ينتخب أحد حسام فوزى وكانت الأصوات جميعا للهوارى ؟؟؟

و بماذانت ترد علي شخص كان موجود في لجنه الفرز بردو و قال بالحرف ان الاصوات كانت اكتر لهواري بكتير في الاول و فجاه انقلب الدفه لصالح حسام فوزي .....

يا باشا ده مش كلام عاقل ابدا و بعدين الافضل انك تجيب الناس اللي قاموا علي عمليه الفرز و اظن ان دكتور احمد الهواري يعرفهم كويس ...

6- بماذا ترد على شخص بيقول ان الدكتور محمد حامد والدكتور ضياء هما المتحكمين فى الإنتخابات بغض النظر عن أى تصويت ؟؟؟؟؟

قليل اوي من الناس يعرف اننا كلنا اصلا مع بعضنا و محمد حامد و ضيا متفرقش معاهم مين يكسب و مين يكسر لان مفيش قايمه منافسه و اظن ان حضرتك فاهم الكلام ده ... و ضياء و محمد حامد بنفسهم قايلين ان كل واحد يعتمد علي نفسه و لا سمعته في دفعته ..

واي كان اللي كسب فهو معاهم فمفيش فمتفرقش..

7- هل حلت أسرة قلب واحد محل أسرة المواجهة قديما بهذه السهولة أم أنه لم يكون هناك وجود لأسرة المواجهة إلا إنهم هم أعضاء إتحاد الطلبة ؟؟

مفيش اي علاقه بين الاسرتين وانا كل اللي اعرفه ان اسره المواجهه تابعه للعميد لكن انا هتكلم عن نفسي طوال السنه اللي فاتت ماشفتش اي نشاط من اي اسره غير سويه ورق متعلقين ....

لكن اسره قلب واحد بدات تتعرف للطلاب من خلال شغلها اللي بنعلن عنه و نشاطها كبير في خدمه الجنيع عشان نحق شعرنا اننا كلنا قلب واحد ..

8- هل تعلم أن الدكتور محمد حامد هو من أنزل الهوارى الإنتخابات وقال له أنك سوف تنجح فى الإنتخابات ؟؟؟؟

و قاله انه هيكسبه في ميكروفون و حتي لو كان قال اظن ان كان هيبقي فيه حرص انهم ميعرفنيش ... يا باشا الكلام متناقض نهائي منين دكتور محمد حامد وعد هواري انه هيكسب و منين ان محمد حامد و ضيا بيتحكموا .. علي الاقل كان نفذ وعده لهواري..

9- لماذا تغير رأى الهلالى من أن الإنتخابات ضحك على الدقون إلى جدد حياتك شارك فى إنتخاباتك ؟؟

اظن ان الاجدر ان هلالي يجاوب بنفسه لان واضح ان فيه لبس في الفهم ..

10- لو علمت أن إتحاد الطلبة القديم زور الإنتخابات لصالحك بدون علمك ماذا ستفعل ؟؟؟؟

هنسحب من الاتحاد فوررررررررررررا ...

-------------------
انا بس احب اقول كلمتين في الاخر اني مقلتش ادبي علي حد و محترم نفسي و متكلمتش علي اي حد باي كلمه وحشه ....

لكن ان اي حد يكلم حد من اصدقائي و يوجهله اي كلمه او يغلط فيه ده اللي مش هسمح بيه و الكلام ده موجهه لشخص بعينه من الاخر ....

انا مغلطش فيك و لا في اي حد من اللي كان بيساعدك في الانتخابات او بيدعو لانتخابك لكن انك تغلط في حد من زمايلي دي معلش سفاله و قله ادب و انا بقولها ع الملا ......

انا عمري ما حطيت في دماغي ان الانتخابات هتسبب كل المشاكل او دخولي للاتحاد هيخلي ناس تتكلم كل الكلام ده من غير دليل واحد ......

اخيرا احب اقول كمان اني رحت الكليه الساعه 11 يعني بعد موعد بدء الانتخاب بساعه كامله و موفقتش قدام اللجنه كتير لا حضرت السكشن عااااادي و محاضره الاناتومي ... غرضي من ده اني مش عايزها عشان اتصيت او اعيشش حياتي ... لا و الله انا كان فكري جت جت مجتش خدت الشر وراحت ... وانا شغال كده كده باتحاد او من غير اتحاد ...

كل واحد ليه الحق في التظلم و عندك العميد و امين الكليه روح وقول اللي انت عايزه عدا ذلك ده مش شغلي ...

_________________

انا صلاح الدين صابر طالب بالفرقة الرابعة ومن المقربين لمحمد حامد وضياء الدين اللى ماسكين الاتحاد لانهم اصدقائى واحب اقولك ان الكلام ده عار تماما من الصحة لانى تابعت الموضوع من اوله
اولا انتخابات الفرقة الاولى والثالثة والرابعة انتهت بالتزكية ولم تتبقى سوى الفرقة الثانية وكان بامكان حامد وضياء انهاء الموضوع دون انتخابات لكنهم فضلوا اجراء انتخابات لان كل المرشحين قايمة واحدة وكان من السهل عدم قبول ناس وذلك ببساطة لانهم لم يثبتوا نشاطا باللجنة التى رشحوا فيها
وكما ذكر فان حامد او ضياء لا يهمهم نجاح ناس باعينهم او سقوط ناس لانهم قايمة واحدة والكل فى الاخر سيرشح حامد وضياء
اما عن سقوط الهوارى فى الانتخابات فهذا نتيجة فرز الاصوات والذى تم دون ادنى تزوير او تدخل من حامد او ضياء لان الانتخابات تمت تحت اشراف لجنة من الموظفين ومراقبين من الجامعة وبعض الدكاترة وطلبة وانا سمعت ناس كنت فى لجنة الفرز وهما من انصار الهوارى وقالوا حسام فاز باكتساح وهما اللى كانوا على الفرز
وانا اللى عايز اسالك سؤال اتحاد الطلبة لو هيزور وطبعا ده استحالة يحصل هيزور لمصلحة حسام ليه ؟!
واللى احب ان اؤكده ان الانتخابات نزيهة جدا جدا وانا قلت قبل كده لحسام ولاى حد داخل لو سقط ميزعلش لانه مش معنى انه مدخلش الاتحاد انه خلاص , ولو واحد عايز يمارس اى نشاط هيمارسه وانا كنت السنة اللى فاتت مش فى الاتحاد وكنت فى انشطة كتير جدا وشاركت فى تنظيم مؤتمرات كتير
والباب مفتوح لاى حد , اما لو هو عايزها منظرة و خلاص يبقى من حقه يزعل ومش معنى ان واحد مشهور انه كده كويس , هو مشهور بايه بجدعنته ؟ بخدمته لزمايله ؟
عامة انا وقفت مع الهوارى مرة واحدة وبقوله متزعلش والحكاية مش مستاهلة خالص والله
وانا عن نفسى مكنتش داخل الاتحاد وبعدين زمايلى اقنعونى ودخلت وربنا يسهل ونكون على قد المسئوليئة
وانت بنفسك قلت مثلا ان حامد كان عايز الهوارى مثلا , ده مش معناه ان حامد هيزور لان حامد انسان محترم ومش بتاع الكلام ده هو لو مش عايز حسام مكنش خلاه يقدم ورقه او كان سهل يتم استبعاده لانه ملهوش نشاط فى اللجنة اللى هو فيها زى كل الناس , وكمان فرز الاصوات قلنا بيتم فى حضور موظفين وطلبة ودكاترة , هل تظن ان هؤلاء هيوافقوا ان حد يزور لحساب شخص اكيييييييد لا والف لا

_________________
أبو صلاح

انا ايمان سيد احمد
الفرقه التانيه كنت داخله معاهم الاتحاد ويادكتور بجد لو موضوع كان ماشي كوسه كنت كسبت انا كمان لاني تبع الاسرة بتاعتهم وعلي فكره ايون انا مش مشرفه لكن عضو اساسي في الاسرة
وعلي فكره حسام من اكتر الناس اللي يستاهلو النجاح لانه بجد خدم كتير جدا وعلي استعداد يكمل خدمه
هو اتولي موضوع فطار الايتام بمساعدة ناس معاه طبعا
وكمان موضوع مستشفي السرطان هو تولاه ايضا فاكيد واحد عمل ده كله مش خسارة ان الواحد يديلو صوته
وعلي فكره مش لازم الواحد يقول انا هدخل ارشح كذا ويرشحو لا محدش بيشوف ورق الترشيح اصلا فكل واحد بيرشح اللي عاوزه
وعلي فكره كتير جدا رشحو حسام
وياجماعه خسرنا ولا كسبنا فكلنا اخوات في الاخر ولازم كلنا نفرح لبعض
انا خسرت ايوة بس انا بجد فرحت جدا للي كسبو لانهم اكثر ناس يستحقو المكسب
واللي خسر ميزعلش كلنا لازم يكون عندنا روح رياضيه واللي عاوز يشتغل مش لازم يكون تبع اتحاد او غيره لا اللي عاوز يشتغل هيشتغل مش هيفرق معاه

ولو الموضوع كوسه زي ماحضرتك بتقول انا بشجع الكوسه دي جدا لانها رشحت ناس بجد يستاهلو النجاح وبكره اكيد كلنا هنعرف ان كل اللي فازو يستاهلو

ايمان

للإيضاح يا دكاتره انا بنقل كلام من بعض الطلاب فى الكلية وبعرضه هنا ليس للإسائة إلى الدكتور حسام أو للأسرة ولكن بغرض إيضاح بعض الأمور ليا شخصيا ولجميع طلاب الكلية لمنع البلبلة التى تحدث فى الكلية بسبب الإنتخابات و شكرا

انا مايد كلامك يا ميدو ان فعلا فى كلام كتير حصل بعد الانتخابات وخاصة فى لجنتى حسام والهوارى ودينا

ولجنة كريم وكريمة وايمان وامانى

بس صدقونى يا دكاترة ممكن واحد يقول انى هرشحك ويرشح حد تانى

دة صوت هنتحاسب علية كلنا

هل فعلا صوتنا للانسان دة علشان صاحبنا وكدة ولا فعلا علشان يستاهل

ملحوظة

الانتخابات انتهت ونبص بقى على الناس اللى نجحوا هيملوا حاجة ولا مش هيعملوا

احنا كلنا عايزين اتحاد قوى مين اللى فيه اصحابنا وحبايبنا ولا ناس تانية

مش مهم المهم الافضل الى يشتغل

واختم ان الايام بيننا هتثبت فعلا استحقوا ينجحوا ولا لا
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]