البقاء لله ..لااله الا الله

السلام عليكم........

انا مش عارف ابدأ كلامى زاى لان الموضوع حساس جدا وتجربة جديدة علينا واحنا ها نخوضها كلنا مع بعض

انا مش عاوز اطول عليكم فى الكلام لان الموضوع كبير اووى ويطول شرحه لكن انا ها اختصر فى الكلام وها ارد على الاسئلة الشائعة ,,,,

اول حاجة ناس ها تعتقد انها انتخابات مش نزيهة واحنا نرفض ان احنا ندى اصواتنا وغير كده احنا عارفين ان الاتحاد مش بيعمل حاجة جديدة كالعادة

لكن يا جماعة احنا ممكن بأيدينا نغير من الوضع ده ونخليه حقيقى واذا حتى ما اقدرناش نعمل التغيير دهها يكون على الاقل ان احنا فتحنا السكة وعرضنا افكارنا ومشاريعنا من خلاله واللى يجى بعدينا يلاقى الطريق ممهد ومناخ افضل ومش هايبدأ من الصفر ....

وغير كده وكده المثل اللى انا بكرره على طوول
( انتا لما تلاقى جوهرة على كوم زبالة ها تسبيها ولا ها تروح تاخدها؟؟؟ )

بمعنى تانى ان احنا ها نطلع با أقل المكاسب وما نرجعش بخفى حنين

ونثبت لنفسنا فعلا ولو مرة واحدة فى حياتنا ان احنا ايجابيين وفعلا بنروح نعمل VOte للناس فعلا اللى ها تقدر تقدم لينا مساعدة ومش لازم تقدم مساعدة لتانية لاء ان الاتحاد ده ها يقدر يفيد جميع الناس وكمان بيمثلناوبيعلن عن رأينا

ومش شرط الناس اللى ها نديها صوتنا كانت فى الاتحاد السنة اللى فاتت ده لكن انتا بص حوليك وشوف هل الناس ده فعلا حققت اى حاجة كانت واعدة بيها او شوفتها خدمت او بذلت جهد فى مساعدة غيرهها

انا عن نفسى وبقولها كلمة حق ها اتحاسب عليها انى لما كنت فى اولى ما شوفتش اى حد وقف جمبنا او ساعدنا غير ( الاخوان المسلمين ) اللى هما مرفوضين وممنوعين من ومشطوبين من اى حاجة

لكن والله يا جماعة بالرغم انى مش اخوانى وبغض النظر عن اهداف الاخوان اللى خارج الكلية انا ليا دعوة بس بالموجودين معانا ف الكلية تعالوا بصوا للآخوان دول مين اللى كان بينزلنا مزكرة الامتحانات مين اللى كان بيخرج من بيتهم الساعة 6.00 الصبح علشان يلحق يوصل الكلية الساعة 7.00 ويشرح للطلبة .

طيب اذا كان فعلا الناس اللى بتخدمنا اتمنعت ها نعمل احنا ايه نطلع جيل تانى مالهوش علاقة بأى تيار غير انه عاوز يخدم ويفيد الطلية وبس .

لكن احنا فيه جيل صاعد معاناللأول مرة بيخدم بقلب واحد وعنده نية صادقة فعلا انهما يخدمونا كلنا دول بقى اللى فعلا واجب علينا ان احنا ما نتخلاش عنهم الفترة ده والجماعة اللى اناها اقولها مش اول مرة تعرفوها لاء دول نزلوا معانا فى كل الميادين .

انا عاوز احافظ على عدم الانحياز لائى طرف والانيحاد فى موضوعى لكى تكتمل الفكرة لديكم لكن بجد يا جماعة الواقع مؤسف اووى مش قادر اسكت واخبى الناس ده كانت بتعمل معانا ايه لكن انتالو حبيت تعرف هتلاقى انشطتهم فى المنتدى ظاهرة والحمد الله ان عرفنا نعمل منتدى نقدر نتكلم عليه ونب\تبادل الرأى

اخر الكلام الناس اللى ها اذكرها هيا ده الناس اللى فعلا تكاتفت مع بعض وفعلا قدروا يعملوا حاجة اقل حاجة انها وصلت فعلا لـ لغة حوار مع بعض ونقدر نقيم معاها حوار بناء وتسمعلنا ..

خليك ايجابى لو لمرة واحدة فى حياتك واتحدى نفسك

اعلن عن رأيك وانشره وفكر ازاى تقدر تحققه

كايروبتى وقلب واحد مع بعض
كلنا قلب واحد ... ايد واحدة ... حلم واحد

نـحــو حيــاة جمـاعيـة افـــضــل

الهــلالـى 2007

ملحوظة يا جماعة انا حبيت اوضح ليكم اللى حصل الانتخاابات فى كليتنا اعلن عنها يوم الخميس فى وقت متأخر
وفى وقت صعب للطلبة انها تتواجد فى وسط تعتيم اعلامى
ما علينا شىء مش جديد علينا

وادى القايمة النهائية لاتحاد وانتوا هتلاحظوا الكلام اللى جاى

كل الفرق خلصت بالتزكية لعدم وجود منافسون كثرة ما عدا الفرقة الثانية اللى شهدت وجود اكثر من الحد المطلوب لكل لجنة ( عضوين فى كل لنجة )
وهيا ده اللى ها يتعمل عليها انتخابات يوم الاتين القادم الموافق 22/10/2007

طيب المطلوب مننا ايه ان احنا نروح نرشح الناس ده ونبلغ جماعة اصحابنا انهم برده يديلهم اصواتنا
وكلهم اعضاء كايروبتى وقلب واحد

طبعا حصل سوء تنظيم لترتيب فى اللجان فا من سوء الحظ وقع اكتر من اتيين من الناس اللى معانا فى لجنة واحدة وهما اول لجنة موجود فيها كريم وامانى وايمان
انا عن نفسى ها ارشح كريم ومعاه واحدة من الاتين احب احتفظ بيه لنفسى وانتوا حريين سواء ايمان او امانى الاتنين احسن من بعض .

اما باقى اللجان فا فيها الرجالة بتوعنا اللى بجد لازن نقف معاهم اما باقى الاعضاء التانية اللى موجودة معاهم فى باقى اللجان انتوا ليكم حرية الاختيار

الجنة الثقافية
كريم السيد العبد the star
ايمان السيد احمد dr.eman
امانى احمد الاحول dr.tota

اللجنة الاجتماعية
احمد طلعت dr.tito
__________

اللجنة الفنية
عبد الرحيم محمود الطنوبى nile dreamer
_____________

اللجنة الجوالة
حسام فوزى glory for islam
______________

اما باقى اللجان خلصت بالتزكية وفى باقى الفرق برده خلصت بالتزكية يعنى الانتخابات ها تكون على الفرقة التانية بس ومش للكل اللجان فى اللجان اللى فيها اكتر من عضوين

احب يا جماعة اوجه شكر خاص بجد
للدكتور
محمود سمير dr_mmax
لانه هوا المصمم الجدول
وهوا الخبير الفنى والمستشار فى اى مشكلة تكنولوجية وهوا ان شاء الله اللى ها يصمم بمشاركة مع اخوانا فى الموقع الجديد لكلية والمنتدى

والمفجأة الكبيرة اللى ما تعرفوهاش انه نيك نيم بتاعه على كل الطلبة فارس العرب وكل عارف مين هوا فارس العرب

صراحه العنوان يخض اوي

ان شاء الله ربنا معاكم وتنجحوا وتحققوا اللي غيركم مقدرش يعملوا

لان نيتكم سليمه وعايزين تخدموا بجد ربنا معاكم وان شاء الله كلنا هنكون ايجابيين

ونقف معاكم

يادكتور هلالي

بالتوفيق لجمع المرشحين
_________________

اللى عاوز صوره ليه يحطها فى التوقيع يبعتلى رساله على الخاص

ان شاء الله يا هلالي انا هاكون معاكم في الانتخابات دي
انا كنت لسة بسال حسام اني انزله موضوع علشان نعلن عن اللي معانا في المنتدي واللي داخلين الانتخابات
وربنا يوفقهم جميعا يا رب
ربنا يكرم ايمان واماني وكريم وحسام ان شاء الله
_________________
يا رب لك الحمد كما ينبغي لجلال وجهك وعظيم سلطانك

بالتوفيق يا جماعة كل كايرو بى تى معاكم متقلقوش و شكرا

لدكتورنا محمود سمير طول عمرك بتدخدمنا وبتساعدنا ربنا يجزيك خير يارب
_________________

اااااااا يا هلالي
انا نفسي اساعد اخواتي اللي داخلين الانتخابات دول
الاخوان بردو كانوا بيقولولنا من السنه اللي فاتت الانتخابات ديه مبتبقاش نزيهه و محدش يشترك فيها
بس زي ما انت قلت لو لقينا جوهره في كوم زباله منسبهاش
فممكن فعلا ناس من زمايلنا دول يعملوا تغيير
يبقى نصلي استخاره و نشارك معاكو على بركة الله

يا دكاترة بجد يبقى احسن لو كل دكتور دخل الانتخابات يطلع يوم الحد ويتكلم علشان نختار بجد مش علشان اللى نعرفهم بس
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

انا معاك فى الفكرة ده يار يس

لكن اناعاوز اقولك يا ما ناس اتكلمت وقالت ها تعمل وها تعمل ,,,,,,, وفى الاخر يا قلبى لا تحزن

العبرة مش بالكلام فيه ناس محترفة فى الكلام والوعود النارية ونقتنع يبهم اوى لكن بعد كده كل بيروح ع فشوووش

لكن احنا عندنا الناس ده احنا عارفينهم فعلا ونزلوا معانا قبل كده فى كذا مشروع وعملناه مع بعض وانتا كنت معانا

مش معنى الكلام ده انى مش موافقك فى فكرتك لكن كل حاجة ليها عيب وميزة واذا تم الموضوع ده يبقى خير وبركة احنا واثقين من رجالتنا ,,,,,,,,

الهلالى 2007

السلام عليكم و رحمة الله و بركاتة
أولا :جزاكم الله كل خير على عملكم الطيب
ثانيا: نفسى أفهم لية أخوان المسلمين مبيرشحوش نفسهم لان هما أحق ناس باتحد الطلابة؟
[img][/img]

بالتوفيق
قلب واحد
روح واحدة Wink

الموضوع ده غلط كتابته انت بتهرج يا هلالى

بلاش تلبخ فى كلام مش منه نتيجه

المفروض تقول من اجل قلب واحد فقط

ان الناس تروح رشح انما موضوع تعتيم وكلام تقيل

ده مش تبعناومش فى ايدينا وملناش فيه

المهم ان شاء الله كل الناس هتشارك فى الانتخابات لصالح اعضاء اسرة قلب واحد والمنتدى باذن الله
_________________
Wait us very soooooon
on
www.cairopt.net
we will wait u there.......................!!!

فما فى الارض اشقى من محب.............وان وجدالهوى حلو المذاق
تراه باكيا فى كل حين..............مخافه فرقه او لاشتياق
فيبكى ان نأوا شوقا اليهم.........ويبكى ان دنوا حذر الفراق
pt_mis2005

ربنا يوفق الجميع وعموما كلنا قايمة واحدة يعنى يا جماعة لو محدش وفق ميزعلش لاننا هنمارس نشاطنا وما الاتحاد الا وسيلة لممارسة النشاط وتسهيل عمله ولو واحد مش بتاع شغل مش هيشتغل فى الاتحاد ولو واحد بتاع شغل مش هيفرق معاه لو مدخلش الاتحاد
عموما بالتوفيق لكل اعضاء المنتدى
واللى هيشارك فى الانتخابات هما طلبة الفرقة الثانية فقط لان الانتخابات لسنة تانية بس
_________________
أبو صلاح

ان شاء الله ربنا يوفق كل الدخلين في الاتحاد مدام هيعملو حاجة بجد
بس لو معملوش حاجة لازم نحسبهم
لانهم هيحملوا اسم مش قلب واحد بس لا و كايرو بتي كمان
يريت تحدده مين اللي هيحاسب
علشان : (منطلعش من نقرة نقع في دحديرة)
ياريت محدش يزعل
ده راي بصراحة
Like a Star @ heaven

انا مرسح نفسي للانتخابات و مستعد اتحاسب في حال عدم تاديه دوري كما ينبغي...
_________________