كليتنا أمانه في ايدينا

كليتنا أمانه في ايدينا
أولا ازيكم كلكم
يارب تكونوا كويسيين والكل بخير
عايز أقولكم إن أنا محتار أكلمكم في إيه وعن إيه لان الكلام كتير والوقت محدود
ودورت علي حاجه غالية علينا كلنا مالقتش اغلي من كليتنا عندنا ولقيت إن مش ممكن يختلف علي كده اثنين
أنا مش بقولكم أشعار في حب الكلية لكن بقولكم إن إحنا مش لازم طول الوقت نتكلم علي عيوبنا مع إن الكليه ما فيش فيها أي عيب
العيب مش في الكليه العيب فينا إحنا
أنا قعدت أفكر ليه كليتنا بالذات اللي بيتقال عليها كلام كتير مش من بره بس ده الناس اللي في الكليه كمان فوجدت إن إحنا أكيد مقصرين في حق كليتنا
معرفش كل واحد منا وجه تقصيره إيه بس اللي أنا متأكد منه إن إحنا أكيد مقصرين في حقها
لو كل واحد مننا اشتغل بذمه وأدي عمله حقه مكناش وصلنا لكده
مش حنعيش بقه علي ذكريات الماضي ونقول فلان عمل وفلان عمل
زى ما بنقول دايما الفراعنة دول جدودنا عملوا كذا وكذا والكلام اللي مودينا في داهية ده المهم إحنا عملنا إيه وبنعمل إيه دلوقتي وحنعمل إيه لكليتنا
ولو كل واحد عمل اللي عليه حنقدر نعمل حاجه ونبقي حاجه
والله يا جماعه حنعمل لان كليتنا دي أمانه في ايدينا
معرفش ليه كل ما اسمع كلام وحش في حق كليتنا ببقي زعلان جدا جدا بجد لان بتصعب عليا كليتنا لان اللي فيها اللي هو إحنا مش عارفين قيمتها ومش عارفين يدافعوا عنها
كليتنا مش وحشه يا جماعه .... كليتنا دي من أحسن الكليات بجد
ومش حتحسوا بالكلام ده إلا أما تتخرجوا وتعرفوا قيمتكم بجد وان دوركم في المجتمع دور مش سهل .... أنا مش حاقعد أقولكم بقه ده كليتنا دي أحسن كليه والكليات التانيه وحشه مع أنها فعلا من أحسن الكليات بس حقولكم إنها لازم تبقي من أحسن الكليات في عيونا لان هي دي كليتنا ودي هي مهنتنا
بجد ده مش مجرد كلام بضحك علي عقولكم بيه انتم حتحسوا ده بنفسكم
والله يا جماعه لو حبينا كليتنا حتتغير بايدينا ...إحنا اللي حنعليها ونخليها أجمل كليه لينا وللي جايين من بعدنا.
يااااااه بجد نفسي احقق أحلامي اللي بحلمها لكليتنا واللي أنا متأكد إنها أحلامكم برضه بس مش حنعرف نعمل حاجه لكليتنا ألا أما نكون بنحبها بجد
مش حقدر أقولكم كلام تاني غير يلا نحب كليتنا مهما قالوا ومهما عملوا
أنا عارف إن فيه ناس مش عاجبها كلامي وبتقول إن أنا بعيش في خيال لأني سبت كل المشاكل وبتكلم عن حب الكلية.
ما هي دي البداية يا جماعه .... لما نحب كليتنا بجد حنشتغل بجد وحنحل مشاكلنا بجد
يلا بينا نحلم بجد لكليتنا ونحقق الحلم بايدينا وما حدش يفرط في حلمه يا جماعه ومحدش منكم يبطل يحلم بالأحسن
لأننا لو بطلنا نحلم نمووووووت
حبة صبر حبة حماس يبقي الحلم حقيقة.
وعشان كده اجتمعنا إحنا شباب أسرة قلب واحد وهدفنا واحد وهو (نحو مستقبل أفضل لكليتنا)
وياريت كل واحد منكم يقدر يشارك في الارتقاء بشان الكليه أو عنده مقترح أو رأي ما يبخلش علي الكليه بيه.
يارب يكون كلامي خفيف عليكم وبشكركم علي الحب اللي انتوا بتحبوه وحتحبوه للكلية وكل سنه وانتم بألف خير.
وأسف إن أنا طولت عليكم.
بس والله مش عايز أبطل كلام معاكم لأني والله بحبكم كلكم ونفسي أشوفكم في أفضل حال.
مع تقديري واعتزازي لكل فرد منكم/
مقرر أسرة قلب واحد(عاشق الرومانسية)
شكرا

كلام جميل بس انا شايف موضوع قيمتنا ومش قيمتنا ده احنا اللى موديين نفسنا فى داهية بيه الطالب يدوب يجيلوا جواب الترشيح من هنا والناس تاكل ودنه دى مش عارف معهد دى ايه دى ايه

بجد لو كل واحد بص على نفسه هوا ممكن يعمل ايه ويرسم لنفسه طريق صح بحيث يوصل لاكبر قدر من العلم وميبخلش على نفسه بالقراءة سواء فى مجالات العلاج الطبيعى او الطب عموما لازم كل واحد يعمل ثقافة كويسة

وقتها هتعرف ترد على اى حد

اللى يقول يعنى ايه كلية علاج طبيعى ودى ايه ودى ايه

خشلوا بكلام علمى هتلاقى اتخرس

وياريت بجد ننهض بكليتنا وبمجالنا

اخوكم اسلام
_________________

عندك حق يا دكتور.......فعلا البدايه من حبنا للكليه...لان الواحد لما يحب حاجه من قلبه بيخلصلها و بيغير عليها و بيبذل جهده علشان يدافع عنها و يكرمها
و كريتنا والله بتكرمنا يا جماعه و مش هنحس بده دلوقتي
و باذن الله هنكرمها زي ما اكرمتنا

ان شاء الله يا اسلام هنرفع شأن مهنتنا وهنعلى قدرها

وكل يوم المعرفة بالعلاج الطبيعى بتزيد و معرفة اهميته بتزيد جدا فى المجتمع

وربنا يكرمنا اكتر ان شاء الله ونكون يد واحدة
_________________
أبو صلاح

طول ما احنا بنحب بعض بجد ومفيش جوانا نيه وحشه باذن اله هنوصل لكل اهدافنا
_________________
مستقبل كليه العلاج الطبيعى

[b][color=blue]

ان شاء الله نحقق كل احلامنا فى الكليه ولمهنتنا
_________________
Wait us very soooooon
on
www.cairopt.net
we will wait u there.......................!!!

فما فى الارض اشقى من محب.............وان وجدالهوى حلو المذاق
تراه باكيا فى كل حين..............مخافه فرقه او لاشتياق
فيبكى ان نأوا شوقا اليهم.........ويبكى ان دنوا حذر الفراق
pt_mis2005