أهدافى فى رمضان .. لازم تعرفها,

بصراحة لما شفت الموضوع ده بالذات كان لازم أنقله لأنه جميل ومفيد جداً .. متخصصى التنمية البشرية قالوا إن حوالى 80% من تحقيق الهدف يكمن فى التخطيط الجيد له .. وعلشان نخطط كويس لازم نحدد وبدقة الهدف ده ونسجلة ونحطة قدامنا طول الوقت علشان يملانا تصميم على تحقيقة ...

كل سنة وأنتوا طيبين بمناسبة الشهر الكريم

بس فيه سؤال لازم كل واحد يسأله لنفسه

أنا عايز إيه من الشهر ده ؟! ...

أو بصيغة أخرى

إيه هى أهدافى فى رمضان ؟! ...

وقبل مانجاوب لازم نفكر كويس ونحدد بدقة أهدافنا وسبل تحقيقها وندونها فى ورقة ونعلقها على الحيطة علشان تكون قدامنا طول الوقت ... بالله عليك لازم تكتبها وتقرأها كتير علشان تتشحن بالعزيمة لتحقيقها .. مش عايزين ندخل متحمسين وحماسنا يضيع بعد أول 10 أيام .... حدد أهدافك

ودى بعض الأهداف الأساسية اللى ممكن تساعدك ...

1- أنا والصلاة:-

* لن أضيع صلاة الفجر في المسجد ...

*سأحافظ على تكبيرة الاحرام , الصف الأول الجماعة الأولى في المسجد لكل الفرائض...

*سأحافظ على 12 ركعة نوافل كل يوم ( 2 قبل الفجر . 4 قبل الظهر و2 بعده .و2 بعد المغرب . 2 بعد العشاء)...

*سأحافظ على ركعتي الضحى يومياً (فكانك تصدقت على أعضاء بدنك كلها)...

*ساحافظ على صلاة القيام (ولو ركعتين )...

2-أنا والقرآن:-

*سأختم القرآن مرتين مرة في أول عشرين يوم ومرة في العشرة الأواخر...

*سأختم القرآن مرة سماعاً في صلاة التراويح (لأن سامع القرآن له أجر)...

*سأختم القرآن مرة سماعاً مع صلاة التهجد ...

3-أنا والصيام:-

*ستصوم عينى عن النظر إلى المحرمات...

*سيصوم لساني عن آفات اللسان (الكذب . النميمة .الغيبة.....)...

*سأستغل صيامي في التخلص من العادات السيئة (التدخين . السهر . تضييع الاوقات...)...

4- أنا والصدقة:-

*سأخرج من جنيه لخمسه كل يوم في وجوه مختلفة للخير...

*سأحرص على إفطار الصائمين لأنال مثل أجورهم (ولو بالمساعدة بالجهود الذاتية)...

*سأعطي من ملابسي لمن يحتاجها...

5- أنا والدعاء :-

*لن أنزل سجدة بدون دعاء ... واسمحولي بتثبيت هذه الادعية لنا جميعا بالاضافة لادعيتكم الشخصية....

"الدعاء للمسلمين المقهورين بكل مكان : العراق , فلسطين , الشيشان , لبنان , أفغانستان, ومن أظلتهم القضبان دون وجه حق...."

"الدعاء بالشفاء لجميع المسلمين والمسلمات, والرحمة لجميع موتى المسلمين"

*سأستغل دعوتي التي لا ترد حين أفطر ووقت القيام وبين الآذان والاقامة ...

6- أنا وصلة الرحم:-

*سأزور أحد أقاربي مرة أو مرتين أسبوعياً...

*سأتصل بأحد أقاربي يومياً...

حاجة أخيرة ... الوقت .. الوقت .. الوقت ...

تقبل الله منا ومنكم صالح الأعمال وجعلنا من عتقاء هذا الشهر

_________________

رب كم من نعمه أنعمت بها علي قل لها شكري
وكم من بليه ابتليتني بها قل عندها صبري

أسالك فرجا قريباً
وصبراً جميلاً
ورزقاً واسعاً

تقبل الله منا و منك و جزاك كل خير و جعله في ميزان حسناتك و جعلنا من الفائزين بهذا الشهر الكريم و بلغنا ليلة القدر و قوى ايماننا و غفر لنا و ثبت اقدامنا و نصر المسلمين على القوم الكافرين
Surprised

موضوع رائع جزاك الله خيرا