خلى بالكم اوعى تضيعوا الفرصه.

بسم الله الرحمن

بجد [size=18]ياجماعه اشتقت للكتابه والكلام معاكم على اجمل منتدى فى الدنيا .المهم مش هطول وندخل على الموضوع
رمضان خلاص بيدق علينا الباب وبيقولنا انا جيتلكم انا جايه ازوركم فيترى لو ضيف جه وقالوكم انا جايه مش هتستقبلوه بكل الحب والترحاب.
اكيد هنستقبلك يارمضان واكيد بنحبك ياشهر كريم يا اجمل ايام واحلى ايام.
بس انا انهارده مش جايه اتكلم عن رمضان كخيراته وفضايله وكل الحاجات اللى كل دكاتره المنتدى اتكلموا فيها لكن هتكلم عن حاجه مهمه جدا عن الفرص اللى فى رمضان طب ايه يا دارين الفرص ديه يا فالحه ايه الجديد اللى هتقوليه يعنى؟
اصبروا ياجماعه عليه انا هاقولكم عن فرصه من اكبر الفرص اللى غيرتنى انا شخصيا.غيرت فيه حاجات كتير اوى الفرصه ديه هيا0(فرصه التغيير)
فى رمضان يا جماعه الفرصه انك تتغير كبيره جدا .الفرصه انك تتوب لربنا وانك تحاول تتغير بجد كبيره جدا.ابواب الجنه مفتوحه ليك بتقولك توب وارجع عشان الجنه بتتزين لكم.
فرصه انك تقول لنفسك لا للمعاصى لا للذنوب لا للغلط كبيره اوى.
فرصه انك بجد تغير كل شئ وحش فيك كل فعل انت عارف انو بيغضب ربنا كبيره طب ليه نأجل ولييه نقول ان لسه فى العمر بقيه.يا شباب انا هاحكى لكم عن قصه مؤثره جدا
انا من فتره عملت لنفسى مدونه وبدخل مدونات تانيه ومنها مدونه لبنت اعرفها من عالم التدوين ولقيتها بتتكلم عن حزن شديد هيه عايشه فيه وانها مرت بظروف حزينه جدا وتتخيلوا كانت حزينه ليه.لان واحده اسمها شيكو عندها28 سنه وشابه فى مقتبل العمر والبنت ديه من المدونين برضه وعندها مدونه البنت ديه ياجماعه مرضت بالمرض اللعين على ما اتذكر وماتت ماتت ياشباب وهيه عندها 28وهى كانت بتحلم احلام كتير اكيد كانت بتحلم ان مدونتها وصوتها يوصل لكل الناس.الشاهد من القصه يا شباب ان الموت قريبب اوى مننا يبقى ليه نضيع فرصه التغيير ونرفض الفرصه اللى جايلنا على طبق من ذهب نحو الخير والجنه ليه نفضل غارقنين فى المعاصى .طب لو قصه شيماء(شيكو)مأثرتش فيكم انا اعرف واحد عنده 18سنه وماتت وهو داخل تانيه كليه وواحد صديقه اوى هو اللى دفنوه ايده يوم الجنازه تخيلو النظر البشع ده.وياريت كلنا ننتهز الفرص الكتير اللى فى رمضان اللى جايلنا . ياشباب التوبه والعوده لربنا من اجمل الاحاسيس والشعور .
طب هو احنا بنعمل حاجه عشان نتغير ما احنا زى الفل؟
زى الفل ماشى وهو ايه مقياس الفل بتاعنا بقى
التليفون اللى هيفرع من الاغانى والرقص فى الكليبات
ولا الشله اللى فى الكليه اللى عباره عن ميكس من الشباب والبنات بحجه الزماله والدراسه وكل حوارتهم عن حاجات تانيه كتير
كل واحده فيينا هو عارف هو بيعمل ايه عارف هو بيعمل ايه غلط وبلاش نفضل نضحك على نفسنا عشان مش عارفين رمضان راجع تانى لينا ولا لا؟ راجع عشان يطهرنا من الذنوب ولا لا.
ويا شباب حاولوا بجد والله مش هتموتوا لو حاولتم تحطوا حدود للاختلاط وللهزار الشله مش هتبوظ لو مش فيه بنات.مش هتموت انت لو معاكستش بنت لو مسهتش على القهوه تتكلم فى كلام فاضى مش هنموت والله فى ناس كتير عايشه حلو اوى من غير ما تعصى ربنا
البنات يابنات ايه اخبار لبسنا الموضوع بتاع اللبس ده كبير شويه بس هقول برضه كلمتين ليكم تعالوا نحاول نتغير نحاول نقول لربنا احنا بنات محمد واحفاد عائشه.البدى الكارينا يابنات ده بالله عليكم حجاب واللبس الضيق اوى والمجسم من كل حته والبديهات الاستومك والبنطلون الويست ليس.ليه بس كده مش بقولك رمضان فرصه للتعقيد لا دا فرصه للتغيير .والله رمضان هو اللى غيرنى غيرنى من دارين اللى كانت لاشئ واصبحت دلوقت بتنعم بقرب ربنا احساس جميل انا ياجماعه كانت اول مره احط فيها طرحه على راسى وانا مقتنعه بانى لازم اظبط لبسى فى رمضان 2003
فاكرينه كنا عاملين فيه ازاى
وكان فى العشر الاواخر وعشان ربنا اراد ان قلبى يتفتح للكلام عن الحجاب من فم الداعيه الرائع اللى احسبه ولا ازكى على الله احدااستاذى ومعلمى(عمرو خالد)
وارتديت الحجاب وانا كلى فرحه وقناعه بانى فى عزه
صدقونى اتغيرت 180درجه بقيت حاجه تانيه بس اخذت بالاسباب عزمت وتوكلت وحاولت ومشيت الطريق واحده واحده
بالله عليكم لسه الدنيا فى قلوبكم لسه عايزين تضيع الفرصه والله الفرصه ديه مش هتتعوض الفرصه ديه من اروع الفرص استغل رمضان ده عشان انت مش عارف رمضان اللى جاى بعد رمضان السنه دى هيبقى شكله ايه عليك هتبقى بصحتك ولا ايه هتبقى احوالك ايه هتبقى فى الدنيا ولا فى دنيا غير الدنيا بجد انا من كتر ما بحس ان كل المنتدى غالى عليا اوى ونفسى نكون فى الجنه سويا مكنتش اتكلمت لكن حاول متضيعش الفرصه وابدا تتغير
وتخلى نفسك فى رمضان شعله نشاط
صيام بالنهار وانا مظبط اخلاقى مع الناس قرآن وحضور محاضراتك فى الكليه المغرب افطر على تمر وبعدين نصلى كلنا سوا فى البيت وبعدين نفطر نقوم نستعد للترارويح ننزل نصلى بنات وولاد ونرجع نذاكر وبعدين نقرا قران وننام ونصحى نصلى تهجد وسحور وفجر وكده ويلا يا شباب مش هتلاقوا وقت تعصوا
ظبطوا نفسكم وان شاء الله ربنا هيقويك وخلوا بالكم الشياطين مسلسله يعنى اى حد هيعمل ذنب من نفسه
ياااااااااااه لو كلنا نحاول نتغير هيتغير الكون من حوالين وربنا هيكرمنا والله
وانا بالموضوع ده رجعت اصالحكم عن طول الغياب
اختكم فى ا لله
دارين[/size]
_________________
سيدوم حبا قد حواه القلب عن صدق ودين.سنظل نذكر بعضنا بدعائنا عبر السنين

اختي و حبيبتي في الله دارين.....جزاك الله كل خير........ان الله لا يغير ما بقوم حتى يغيروا ما بأنفسهم...........
قال تعالى:"قل هل ننبئكم بالاخسرين اعمالا،الذين ضل سعيهم في الحياة الدنيا و هم يحسبون انهم يحسنون صنعا،اولئك الذين كفروا بآيات ربهم و لقآئه فحبطت اعمالهم فلا نقيم لهم يوم القيامة وزنا"
انتبهوا يا جماعه علشان اللي فاكر انه صح و مش عايز يغير من نفسه و بيقول انا كده تمااااام.......لأ انت اكييييييييد فيك غلط و اكييييد انت عارفه بس بتحاول متنتبهلوش علشان تعيش على هواك
ارجوووووكم فكروا في التوبه بصدق و انا اولكم و ربنا يتقبل
اااااااااااااااا دارين

كلام القلب يصل الي القلب .... جزاكي الله كل خير ..
_________________

جزاكى الله خيرا يا دارين على ما كتبتيه
والله الواحد نفسه يتوب ويرجع الى الله والحمد لله
رمضان جاى يصلح كل الى فات
يارب ثبت قلوبنا على خشيتك
امين
بارك الله فيكى
تيتو
_________________
اللهم احسن خاتمتنا فى الامور كلها
وأجرنا من خزى الدنيا وعذاب الاخره

جزاكم الله خيرا على المشاركه الفعاله ديه واعزم النيه يا دكتور احمد وربنا يتقبل توبتنا اليه .امين

وندعو لبعض بظهر الغيب ان ربنا يكرمنا بنور طاعته
دارين
_________________
سيدوم حبا قد حواه القلب عن صدق ودين.سنظل نذكر بعضنا بدعائنا عبر السنين

نور ع نور

داراين واسماء

بارك الله لكما

انا يا جماعة نفسى اكتب كير اووى فى القسم ده

لكن والله العظيم مضغوط بس قريب اووى ها ارجع تانى

الهلالى 2007