حالة جفاء

موضوع: حالة جفاء الإثنين أكتوبر 01, 2007 5:54 pm

يا جماعه انا حاسس ان فى حاله جفاء كبيره اوى بين طلاب سنه اولى محدش بيتعرف على حد و لسه محدش فاهم حاجه فى اى حاجه و كله زهقان من الكليه ياريت حد يقولنا نعمل ايه و ناخد كورسات ولا منخدش و نذاكر من ايه وامتى

موضوع: رد: حالة جفاء الإثنين أكتوبر 01, 2007 8:54 pm

انا عارفه الحاله ديه....الطلبه خايفه..و كل واحد دلوقتي بيفكر في ازاي هو يعدي و بيخاف على حاجته لدرجة انه مبيرضاش يساعد لمجرد خوفه ان المساعده ديه تأخره....و خصوصا ان ثانويه عامه و شدتها لسه مأثره و لسه عايشين في جوها و متعودوش على جو الجامعه فاعصابهم مشدوده...
معذورييييييييين والله احنا حسينا زيهم بردو.....
بس لازم يحولوا يتصاحبوا لان عن تجربه والله والله والله الاصحاب هما اللي بيهونوا اي حاجه...لدرجة ان اللي كان بيجيبني الكليه هو اني اشوفهم...و ده بييجي اكر لما تهتموا ببعض و تساعدوا بعض فكل واحد يشرح للتاني اللي مش فاهمه..تساعدوا بعض في المذاكره ...تسألوا على بعض حتى في الاجازات...اي معلومه جديده تنقلوها ما بينكم...تفكروا مع بعض...تحطوا مع بعض جدول مذاكره....كل ده بيهون جااااااااااامد
و الكلام ده محتاجين حد يقوله للطلبه و يوجههم و ينصحهم بيه ...و بوجه الطلب ده للاسره و الاداره ان في وقت محاضره فاضيه يحاولوا يكلموا سنه اولى في الموضوع ده

اما الكورسات...فمن ناحية تفكيري اني احتجت اناتومي بس لسبب بسيط ان المحاضرات و مذاكرتي لوحدي كانت بتخليني احفظ اناتومي...لكن من ساعة الكورس و انا فهمت اناتومي و حبيته...اما كورسات المواد التانيه فمن ناحية تفكيري بردو ملهاش لازمه لانك انت تقدر تفهمها و تلخصها بايدك و تذاكرها و هيبقى احسن و افضل للتذكر
..و بالنسبه المذاكره فانا كنت بذاكر من الكتب ...و لما كانت بتتأخر فكنت بكتب المحاضرات و اذاكرها لحد ما تيجي الكتب

بالنسبه للثرابيوتكس اكسرسيز فديه لما ييجي الكتاب فكل اللي عليك اهريهقرايه و متبخلش..بس حاول تفهم على قد ما تقدر...الامتحان بييجي mcq يعني كلهاختار و وصل و صح ولا غلط...بس محتاج ان عينك تبقى خدت على كل حاجه في الكتاب علشانمتبقاش غريبه
و الالكترو نفس الكلام بس احفظ حاجات المتقسمةكنقط و اهتم بالفهم و اهتم بحفظ indications and contraindications اللي هتخدوهاان شاء الله
و ركز للي بيتجاب في البروجكتور لان بيبقى دهالمهم و غالبا اللي بييجي في الامتحان
و بالنسبه للبيوفيزيكسفاهتم اوي بردو باللي في البروجكتور و تقريبا بينزلكوا على الكمبيوتر على النت..وده بييجي امتحانه اكمل و اختار و مسائل الكتاب و البروجكتور بس مبيطلعشمنها
الانجليزي ذاكره آخر السنه بس حاول تحضرمحاضراته و تخطط ورا الدكتور على الجمل المهمه في القطع اللي بيقرأها لانها بتيجيفي الامتحان كاختار...و ترجم وراه...وآخر محاضره ليه مهمه بيحدد فيها من كتابهاللي بييجي في الامتحان فاحضرها
و مواد طب..فالهستولوجيبيتحدد من الكتاب كام صفحه تتذاكر قبل الامتحان بمده ..بس نصيحه اول ما تتحدد خدكل يوم صفحتين ولا حاجه مذاكره علشان تلمها و متخافش بتتلم بسرعه ان شاءالله
و بقية مواد طب فحاول تلخص و اكتب بايدك لان دهبيخليك تفتكر جاااامد

موضوع: رد: حالة جفاء الإثنين أكتوبر 01, 2007 9:17 pm

ايه يا مان انتا من الزقازيق اهو وانا معرفش انااحمد عامر من الزقازيق وانتا اول واحد في البشريه اللي في الكليه دي الاقيه من الزقازيق على العموم احب جدا اتعرف بيك انا احمد عامر مجموعه (أ) يا ريت تكلمني في اقرب محاضره وسيب الباقي عليا (ده كله لو عايز لو حاسس اني هكون تقيل ولا يهمك يكفيني اعرف ان فيه حد من ام الدنا الزقازيق)

يا عم توكل على الله

على فكرة انا اصلى بردوة شرقاوى من منيا القمح

مش هقدر اضيف جديد على كلام اسماء وان شاء الله هكون معاكم قريب بس معلش الكلية فى رمضان بتبقى مواعدها بايزة

وخاصة تانية
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

يا جماعة تعالونا بس فى الكلية و ونشرحلكم المواد

انا اسلام السيد الفرقة التاينه من اسكندرية واى شاب محتاج اى حاجة انا تحت امره ربنا يعلم اننا عشنا نفس الجو وعدينا الحمد لله
_________________

وانا مع اسلام اللي يحتاج حاجه عنده ايميلي وانا في الخدمه ..

و علي فكره بالنسبه للصداقه خد انت الخطوه الاولي و هتلاقي العمليه فل و اصحابك كتير ..
_________________