ممكن تساعدونى

موضوع: ممكن تساعدونى الأحد سبتمبر 23, 2007 9:31 pm

انا لؤى أنا طالب فى الفرقة الأولى عنى لسه جديد "خام" ممكن تساعدونى اتعرف على نظام الكلية و اتعرف على اصدقاْ جداد محترمين و جدعان و برضه يكونوا روشين

مش المفروض يا لؤى انك تكتب بياناتك الاول وتقول انتا منين وكده عموما انا احمد زميلك فى سنه اولى من المحله
_________________
قال الله تعالى(اما الزبد فيذهب جفاء واما ما ينفع الناس فيمكث فى الارض)صدق الله العظيم
(امن هو قانت اناء الليل ساجدا وقائما يحذر الاخره ويرجو رحمه ربه قل هل يستوى الذين يعلمون والذين لا يعلمون انما يتذكر اولو الالباب)صدق الله العظيم)

اهلا لؤي بيك معانا انا محمد سمير رئيس جروب ب اللي انت فيه قابلني في اي وقت في الكليه وانا اعرفك النظام بالتفصيل اما بالنسبه للصحاب فكلنا اصحابك بس برضو انت اللي عليك تختارهم بنفسك
_________________
افعل ما تحب حتى تحب ما تفعل

السلام عليكم و رحمة الله و بركاته

بص هو بالنسبه لنظام الكليه انت هتدرس 8 مواد كل ترم و هما هما نفس المواد الترمين وهما بيتأسموا لمواد كليتنا و مواد بشرى مواد كليتنا هى هتلاقيها ف الجدول مكتوبه و سائل علاج طبيعى و ديه بتتأسم لقسمين هما الالكترو و الثيرابيوتك الاكترو هتدرس الاجهزه اللى بنستعملها و الثيرابيوتك خاصه بالعلاج اليدوى و التمرينات ده ف الترم الاول ان شاء الله الترم التانى هتضاف ليهم سوفت تيشو و هى الجزء خاص بالمساج و العلاج الصينى و يعنى الحاجات ديه بس مش بتعمق اوى و الجزء ده بسيط يعتبر و دول كلهم تبع قسم العلوم الاساسيه اللى هتعرفوا عنده السكاشن فين بتاعه المواد ديه و اى حاجه عايزنها بيكون فى اعلان متعلئ ف العلوم الاساسيه حتى المحاضرات بتاعة القصر العينى لو فيها تغيير هتلائى كل ده عند العلوم الاساسيه كاعلان
الماده التانيه بتاعة كليتنا هى الميكانيكا الحيويه او البيو ميكانكس الماده ديه الحمد لله القسم منظمها جدا يعنى الملازم بتاعته حلوه اوى و بيصبروا علينا و بيحولوا يوصلوا المعلومه كويس و السكشن بتاعها مهم جدا ممكن يغنى كتير عن المحاضره بس طبعا لو حتحضر المحاضره يكون كويس يعنى زى ما انت هتحدد
اما بالنسبه لمواد بشرى فهما الفسيولوجى و الهستولوجى و البيو كمسترى ووووووووووالاناتومى خلى بالك من البيو كمسترى اوى لانها تأيله شويه بصراحه و طبعا اهتم بالاناتومى لانه مهم لينا و محدش يغلط غلطتى ذاكرته الترم الاول تأريبا اخر اسبوعين
هو الحمد لله نجحت بس مش فاكره حاجه منه خالص فحاول تلمها من الاول
و الهستولوجى المفروض بيحدده ف الاخر ايه اللى هيتذاكر بس ما تعتمدش اوى على كده او اسألوا الدكاتره شوفوا هيؤلوا ايه احنا حددوا لينا بالعافيه السنه اللى فاتت
و الفسيولوجى عايز فهم اكتر من الحفظ
و فى مادتين تانيين هما الانجليزى و البيو فيزكس الانجليزى محاضراته مش مهمه اوى بس لو عايز تحضرها احضرها ف الاخر بينزل ف المكتبات اللى ادام الكليه ورق ليها المفروض بييجى منه
و البيو فيزكس شبه الالكترو اوى بس ابسط بكتير طبعا و لو دكتور سعيد اللى بيديكوا هو بيجيب من امتحان الميد ترم كتير ف الترم

بالنسبه للامتحانات غير امتحانات السكاشن فى امتحانات الميد تره و ديه مش فاكره بالظبط بس تأريبا اخر اكتوبر نوفمبر حاجه كده

و بعدها بأسبوعين العملى و الشفوى و بعدين التحريرى ف الاخر بانسبه للكتب هى كلها بتطلع بدرى ماعدا الالكترو و الثيرابيوتك ابل الميد ترم بأسبوعين
و يارب ما كنش نسيت حاجه و ربنا معاكوا و معانا ادعوا لنا بأه
و السلام عليكم

اذيك يا لوء عامل اية

ممكن تعرف كل حاجة عن الكلية واصدقاء جدد كمان بس ادخل على قسم المستجدين هتلاقى كل اللى انت عايزة
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

ازيك يالؤى اخبارك ايه

انا قولتهالك من اولها ............

ههههههههههههه

انا اخوك الهلالى

و شكرا

جدا للدكتور الاء على النبذة المفيدة ده

واديك عرفت نظام الكلية

لو عاوز معلومات اكتر ادخل برده على قم المستجدن زى ما

سعيد قالك

الهلالى 2007