المذاكرة الجامعية

فيه ناس كتير بيحصل عندهم لخبطة نتيجة لاختلاف أسلوب المذاكرة في الجامعة عن أيام الدراسة اللي كان فيها مدرس بيساعد وبيشرح كل حاجة، بالإضافة إلى أن المنهج كمان محدد وواضح.. لكن الجامعة طبعا مجال الدراسة فيها واسع جدا ومش مقصور على كتاب وبس...

وعلشان تتخلصوا من حالة اللخبطة دي
دي شوية نصائح للمذاكرة الجامعية وتحقيق تفوق دراسي
نشوف مع بعض

1. بصراحة كده ومن غير مقدمات، حضور المحاضرات ده شيء مهم جدا وضروري واوعوا تسمعوا كلام حد يقول لكم إن حضور المحاضرات مش مهم، وده لسبب بسيط جدا هو إن الدكتور بيقول كلام مفيد جدا ومهم وبييجي في الامتحان الكلام ده، وبيكون مش موجود في الكتاب وده بيكون الفرق بين الطالب اللي بيجيب امتياز واللي بيجيب مقبول.

2. خدوا بالكم إن المذاكرة بتعتمد على الفهم والتحليل مش على الحفظ علشان كده لازم تكونوا إيجابيين وتناقشوا الدكتور في المحاضرة لتوضيح النقط غير المفهومة.

3. ابحثوا عن المعلومة في كل مكان سواء في مكتبة الكلية أو مكتبة الجامعة أو المكتبات العامة أو على الإنترنت وده لأن أهم حاجة في التعليم الجامعي هي البحث عن المعلومة.

4. المذاكرة أول بأول شيء ضروري جدا واوعوا تسمعوا الكلام اللي بيقول إن المذاكرة في الجامعة مش محتاجة غير آخر شهر وبس لأن ده غلط بيقع فيه ناس كتير قوي وبتكون النتيجة إن المنهج بيكون كتير ومش بيقدروا إنهم يجمعوه في آخر شهر.

5. وعلى فكرة المراجعة المستمرة شيء مهم جدا وكمان عمل ملخص لأهم النقاط اللي بيحتوي عليها المنهج شيء مهم وبيساعد على تثبيت المعلومة وفهمها والربط بين الموضوعات.

............................................................................................

وأعتقد إنكم لو سمعتم النصائح دي هتبقى الحياة الجامعية الجديدة فعلا ضحك ولعب وجد وصداقات جديدة وتفوق دراسي.
لو لسه عندكم أي استفسارات عن أي حاجة تانية ابعتوا وقولوا لنا عليها واحنا هنرد عليكم على طول...

المزاكره الجامعيه لذيذ بس محتاجه تنظيم كبير
_________________
مستقبل كليه العلاج الطبيعى

انا اسه مستجد يا دكتوره دعاء

وانشاء الله هاسمع النصائح دى مع انى عارفها

بس اسمعها تانى

والله الواحد بيبقى عارفها بس بيكسل و مش بيعمل بيها

عندك حق يا دعاء الكسل ده مشكلة كبيرة

وفعلا لو عملنا بالمقولة اللى بتقول لا تؤجل عمل اليوم الى الغد الحال هيتغير خالص
_________________

الكسل ده مشكله كبيره

دايماًتواجهنى

وميخلصنيش من الكسل الا الامر والقهر بعيد عنكوا

يا دكتور دعاء علي النصائح الغالية
هو الواحد فعلا عارفها وان شاء الله ينفذها لان انا شايفة انه ما ينفعش الهمال والكسل فى الحياة الجامعية

لا يا دكتورة بدل الكسل اكيد نبدلها بالحياة والنشاط

والحياة الجامعية مش مذاكرة بس

لا ابدا صحاب واصدقاء ومفيش كبت زى الثانوية العامة يعنى انتا والكتاب مكفى عليه ليل نهار

عيشوا حياتكم الجامعية صح ومتكبتوش نفسكم واتعلموا من التجارب الجديدة

واعرفوا ان الكلية مش مكان للغراميات ده موضوع فاشل اوى ومفيش حاجة بتستمر والحاجات دى لسه مجاش وقتها وخصوصا للولاد
وان شاء الله حياة جامعية سعيدة وسنة سعيدة عليكم مليانة بالتفوق والنجاح
_________________

الله اكبير بسم الله ما شاء الله

الاول

احب احى الدكتور دعاء على المشاركة الجميلة ده

لانها كانت بقالها فترة ومش بتشارك معانا

واقولها عودة كريمة ان شاء الله

وفى انتظزار باقى مشاركاتاك الممتعة

كل اللى عاوز اقوله يا جماعة ااحنا داخلين على عام دراسى جديد من اوله

ياريت نعزم ونجدد النيه انانا نظبط العام ده من جديد ونعمله جدول ما يخرش الميه ونمشى عليه وكل شىء اول بأول ولو فعلا عرفنا نطبق لاتؤجل

حالنا ها يتغير كتيييييييييييييييييييييييييييييييييييييييييير اووووووووووووووووووووووى

لكن ازاااااااااااااى ده بقى بتاعتط ظبط يومك على شخصيتك وعلى عاداتك

وانتا ادرى واحد بنفسك

المهم اعرف ان انتا اتحطيت فى موقف ولازم تطلع منه سليم او فى مشكلة ولازم تلاقلها حل

اخوكم

الهلالى 2007

يا دكتوره دعاء انا معاكي في كل اللي أولتيه بس معترض علي اول نقطه وهي ان حضور المحاضرات شئ اساسي لاني شايف ان كل اللي بيحضرو المحاضرات مبيفهموش كلمه منها وده بشهادة كل الناس وحضور المحاضرات بجد انا اكتشفت انه تضييع وقت علي الفاضي والاحسن ان الواحد يروح ينام او يذاكر في البيت احسنله ميت مره من انه يحضر محاضره ويضيع وقته ومجهوده وفي الاخر يطلع منها وهو مش فاهم حاجه
_________________
علي كل من يقرأ هذه الرساله ان يصلي علي النبي
صلي الله عليه وسلم

هو بصراحة المحاضرات بتسهل المذاكرة علشان ميكونش المذاكرة اول مرة صعبة لازم الواحد يكون سمع الكلام دة قبل كدة دة بيسهل كتير المذكرة....يعنى الحاجة لو هتذكرها اول مرة من غير محاضرة هتاخذ وقت طوبل عن لما تكون سمعتها قبل كدة

بصراحة هو فى حاجة كمان المذكرة الجماعية دية بيبقى ليها فايدة كبيرة

بس ممكن اغير الكلمة واخليها المراجعه الجماعية

وخاصة فى مواد كليتنا
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

علي هذه النصائح و ربنا يوفقنا و يقدرنا علي العمل بها

انا لسا طالب جديد فى الفرقة الاولى و بشكر بجد كل الطلاب اللى اكبر منينا و الدكترة علشاان ديما بتحولوا تسعدونا و توجهونا ... يشهد ربنا بجد من غير نصيخكم دى ( عن نفسى ) كنت هبقى عامل زى الفرخة الديخة اللى مش فاهمة اى حاجة ... بشكركم بأسم الفرقة الأولى كلها و ربنا يخليكو لينا
بلنسبة لموضوع المحضراات .. انا شايف ان كل واحد يعمل اللى بيحس انو لفيدلو .... يعنى ممكن واحد يكون بيستوعب كويس فى المحاضرة و ده بيسعدو فى المذاكرة و واحد مش بيفهم حاجة فى المحاضرة و بيخب يذاكر لوخده بيفهم اكتر .... يعنى .. كل واحد ليه دماخ مختلفة شوية و طرق مختلفة شوية .. المهم الواحد يوصل فى النهاية ...
بس كدا !( ههه )

انا لسا طالب جديد فى الفرقة الاولى و بشكر بجد كل الطلاب اللى اكبر منينا و الدكترة علشاان ديما بتحولوا تسعدونا و توجهونا ... يشهد ربنا بجد من غير نصيخكم دى ( عن نفسى ) كنت هبقى عامل زى الفرخة الديخة اللى مش فاهمة اى حاجة ... بشكركم بأسم الفرقة الأولى كلها و ربنا يخليكو لينا
بلنسبة لموضوع المحضراات .. انا شايف ان كل واحد يعمل اللى بيحس انو لفيدلو .... يعنى ممكن واحد يكون بيستوعب كويس فى المحاضرة و ده بيسعدو فى المذاكرة و واحد مش بيفهم حاجة فى المحاضرة و بيخب يذاكر لوخده بيفهم اكتر .... يعنى .. كل واحد ليه دماخ مختلفة شوية و طرق مختلفة شوية .. المهم الواحد يوصل فى النهاية ...
بس كدا !( ههه )