شرح بالتفصيل لمواد الفرقة الاولى(مهم يا سنة اولى)

[size=12]
بصوا يا دكاترة اولا احب اقول ان نظام الكلية مختلف عن الثانوى

بمعنى ان المذاكرة بتبقى ااقل والدراسة عملية(بس بينى وبينك النظرى لازم تركزى عليه اكتر)

طيب وايه مفاتيح التفوق فى كلية العلاج الطبيعى؟

1 اخلاص النية لله

2حضور المحاضرات بانتظام(المهمة منها على فكرة ممكن تطنش الحاجات اللى هبقى ااقول عليها)

3المذاكرة ودى عامل اساسى لا غنى عنه(ويفضل تكون من كتب الدكاترة سبكم من المذكرات والعك ده كليتنا مش بتعتمد على المذاكرة من مذكرات)

4 التركيز فى الامتحانات

5 الاستقرار (بمعنى انك لو مغترب او مغتربة لازم تستقر وترتاح فى المكان اللى انتا شايفه مناسب للمذاكرة)

6شراء مذكرة الامتحانات ضرورييييية جدا وتشوفوا الاسئلة اللى بتتكرر كل سنة

ونصيحة اخوية بلاش موضوع السفر كل يوم ده مضيعة للوقت والجهد والمال

طيب هنتكلم بقى عن المواد

عندنا مواد طب بشرى وهيا([color=blue]physiology_histology_biochemstry_anatomy)ودى بدرسها دكاترة من كلية طب القصر العينى

ومواد الكلية وهيا(therapeutic modilities_biomechnics)ودى طبعا بيدرسها دكاترة ومعدين من كليتنا

وعندنا مادة بيدرسها دكتور من كلية علوم وهيا فيزياء حيوية(biophysics)

ومادة اللغة ودى عشان تنمى مهاراتك فى اللغة وبيدرسها دكتور من كلية الاداب (english)

وهنبدا بمواد مدسن

وهتكلم عن اول مادة واهم مادة ليك كدكتور علاج طبيعى وهيا التشريح

[size=24]anatomyودى مادة سهلة وممتعة جدا بس محتاج مذاكرة جامد واوعى تراكموها للاخر هتحتاسوا فيها والله فمن الاحسن تذاكروها اول باول

والمادة دى عليها 200 درجة 100 درجة لكل ترم

وتوزيعة ال100 درجة كالاتى(مع العلم توزيع الدرجات بيختلف حسب رئيس القسم)

توزيع الدرجات فى المادة دى السنة اللى فاتت كانت كالاتى

60 درجة للنظرى

30درجة عملى

5درجات ميد ترم

5 درجات كتاب العملى

هنتكلم عن النظرى الاول انتا هتدرس الترم الاول upper limb

هتاخد بقى العضلات والاعصاب والمفاصل بتاعة الدراع والكتف ولازم زى ما قلت تذاكر المادة دى اول باول الامتحان النظرى بيبقى عبارة عنgive an accont on

يعنى اكتب ما تعرفه عن وكل سؤال بيبقى عليه 10 درجات فلازم تبقى مذاكر الكتاب وقريه كويس لانك لو معرفتش سؤال واحد خسرت 10 درجات فما بالك بقى معرفتش سؤالين ثلاثة

والترم التانى بتدرس lower limbيعنى الطرفين السفليين وabdomen &pelvisيعنى البطن والحوض

والله اعلم بقى دماغ رئيس القسم الجديد ايه

هنتكلم بقى عن العملى

العملى الامتحان بيبقى عبارة عن 6 تربيزاة

2تربيزة عضم والباقيين جثث بالنسبة للعضم فهوا بيسالك على كل عضمة 3 اسئلة

اسمها_يمين ولا شمال_ويعلملك عليها علامة بالطبشيرة ويقلك ايه العضلة اللى مسكة هنا

والجثث بقى بيبقى فى فتلتين وفى نهاية كل فتلة حرف a والفتلة التانيه حرف b

وبيربط عضلة ويطلب منك تعرف اسمها وبعدين يسالك عن العصب اللى بيغذيها او الaction بتاعها

وبينى وبينكم امتحان العملى اصعب حاجة فى مادة التشريح وخصوصا الترم الاول لان اساسا ما بين كل تربيزة والتانيه

دقيقة او دقيقة ونص (حسب مزاج الدكتور المراقب بقى)

انتا بتقف قدام التربيزة بعدين يقولmoveتتحرك على اللى بعديها على طول

عشان كده لازم باستمرار تحضر سكاشن العملى فى المشرحة وتشوف امكان العضلات والاعصاب كويس وتعلمها وتعرف شكلها

ولازم تحضر كورس مراجعة عملى فى الاخر ده هيساعدك كتير

ويا سلام بقى لو تروح المشرحة قبل الامتحان العملى بيوم وتمسكلك جثة حلوة وكده وتالب فيها براحتك ده هوا اللى هيخى العملى يثبت فى دماغك

وبينى وبينكم لو دخلتوا امتحان العملى ولقيتو نفسكم ضيعتوا وملحقتوش تحلوا حاجة:

ما تزعلوش ركزوا فى النظرى والترم التانى العملى هيبقى معاكم قشطة اوى وهتتعودوا عليه

وبالنسبة للعضم فمش شرط تشترى عضم استلفه وذاكر عليه وياريت يكون متعلم

واخير بالنسبة ل5 درجات الميد ترم فالميد ترم بيبقى امتحان صغير مع امتحان النظرى(mcqيعنى اختيارات وصح وغلط)

او بيبقى مثلا اكتب ما تعرفه عن حاجات بسيطة وى عضلة او space موجود فى الجسم

و5 درجات الكتاب دول بيبقوا فى جيبك لان انتا بتكتب بس البيانات على الرسومات فى الكتاب وبتسلمه بس مش اكتر وبينى وبينكم هما 5 درجات على شراء الكتاب اساسا

واخيرا نصيحة اخيرة ياريت لو تقدروا تاخدوا كورس فى المادة دى خدوا ده هيساعدكم جدا وتقريبا دى المادة الوحيدة اللى محتاجة كورس

وان شاء الله كلكم تجيبوا فيها امتياز[/size][/color][/size]

تانى مادة هيا

Biochemstry

يعنى كيمياء حيوية مادة لذيذة جداااااااااااااااااااااا وصعبة جدا بس صدقونى لو ركزتوا فيها كويس هتجيبوا فيها تقدير رغم انها تعتبر اصعب مادة فى اولى وارخمهم وناااس كتييرة جدا شالوها فركزوا عليها

هتدرسوا فى المادة دى proteins _carbohydrates_libids....etcوطيعا الدراسة كلها بالانجلش والكتاب بيبقى صعب شويه بس نصيحة لازم تذاكروا من الكتاب ولازم تحضروا المحاضرات وتشوفوا اللى بيتحدد مع الدكتور فى كل محاضرة ومحاضرات المادة دى بتبقى فى كلية طب القصر العينى بيدرسوها دكاترة من بشرى زى بقية مواد مدسن

المادة ديها عليها 200 100 ترم اول و100 ترم تانى

توزيعة الدرجات كالاتى

65 درجة نظرى والامتحان بيبقى عبارت عن compare ,enumrate give an account on
ولما تدخلوا بقى هتعرفوا يعنى ايه الكلام ده

ومع الامتحان بيبقى فى امتحان صغير عليه 20 درجة ميد ترم

و15 درجة بيبقى امتحان عملى ودول مفروض تتضمنهم فى جيبك لان الامتحان العملى بيبقى عبارة عن صح وغلط او اكمل

بيسالك فى تجارب معينة بتلخصهم فى ورقيتن يعنى لازم تضمنوا ال15 دول

والمادة دى محتاجة حفظ كويس وحاولوا متزنقوش نفسكم فى الاخر هتندموا وهتحسوا بده ياام الامتحانات

الموضوع مش محتاج منك غير انك تقرا كل محاذرة بتاخدها تقراها مش تذاكرها حتى

وانتظرو شرح بقية المواد
_________________

الله ينور عليك يا دكتور اسلام
وميرسى أوى على مجهودك
وفى انتظار باقى المواد

أخوك دكتور / كريم
_________________
[b]ارحموا من فى الارض يرحمكم من فى السماء
************************
لو القلوب بالرحمة مليانة كنا شوفنا الفقير زى الغنى فى البنك خزنته مليانة

وعجبى ((((( دكتور / كريم )))))))) [/b]

[img]

[/img]

يا كيمو على الرد
_________________

ايه الجمال ده يا واد يا اسلام

برافو بس لما تكمل ابقى كمله على مشاركتك الاولى عشان يبقى كله مع بعض
_________________
مستقبل كليه العلاج الطبيعى

الحمد الله تمام وفيت بوعدك يا اسلام

وجبت الكلام اللى كنا عاوزينه منك

ربنا يخليك لينا وللمنتدى وفى انتظار البقية منك

ومبروك ع التثبيت

يا هلالى على الثقة
_________________

therapeutic modilities

ودى من راى اهم مادة لانها شغلك المادة دى تنقسم الى جزئين
therapeutic exercises

therapeutic exercises

يعنى علاج بالتمارين هتاخد تمارين مختلفة والتمارين دى ليها دور مهم جدا زى انها بترجع الRANG OF MOTIONللعيان ويتزوده

وفى تمارين لالام الظهر وتمارين لعلاج تشوهات العمود الفقرى.... الخ يعنى مش نظام تمارين الصباح تسعة استعد وانتباه يا معلمين على راى رياض البنطلونى اخر مدير سجن حصل فى البشرية lol!

بجد تمارين مش اى حد يعملها لانه ممكن يكسر العيان او يعمله strain يعنى تمزقه زى ما بتقال بالبلدى

الجزء ده بيشرحه دكتور محسن وضرورى تحضر محاضرات الدكتور محسن لانك بجد هتستفيد منها

الجزء ده ليه سكاشن عملى سكشن فى الاسبوع 3 ساعات ولازم فى السكشن يكون معاك لبس العملى والبالطو

ولازم تحضر السكاشن عشان الغياب

الجزء التانى Electro therapy
يعنى علاج باجهزة كهربائية وعلاج بالماء هتدرس شوية اجهزة كده وفى منهم تاثيره هايل ونتايجه ممتازة زى جهاز ultrasound

واجهزة تانيه كتير نتايجها ممتازة

الجزء ده برضه له سكشن مستقل كل اسبوع ولازم يكون معاك البالطو فى السكشن وبرضه لازم تحتضر عشان الغياب

المادة عليها 400 درجة 200لكل ترم

ال200 مقسمة 100 الكترو و100 ثرابيوتك

ال100 دول بيبقوا 60 نظرى 30 شفوى وعملى و20 اعمال سنة اللى بتشمل الغياب والحضور والميد ترمات والكلام ده

ولو محلتش فى الميد ترم متقلقش اهم حاجة الشفوى والامتحان النظرى فى الاخر الميد ترمات درجتها مش كتير

نظام امتحان المادة دى بيبقى mcq

يعنى 120 اختيار وصح وغلط وعيش بقى فيهم بس متخفش حل امتحانات السنين اللى فاتت وهتلاقى الاسئلة اتكررت

وعموما قليل اللى بيسقط فى المادة الضخمة دى عشان زى ما قلتلكم دى شغلنا اساسا
_________________

وعندك السوفت مع الالكترو فى الترم التانى بس مادة مساج هبلة

بجد شغل رائع بجد انا بدأت اغير من اولى

احنا ماحدش كان بيفهمنا حاجة

مجهود رائع يا اسلام
بارك الله فيك بجد
ولو عايز اى مساعده اتكلم
ماشى
تيتو
_________________
اللهم احسن خاتمتنا فى الامور كلها
وأجرنا من خزى الدنيا وعذاب الاخره

كلام جامد جدا

اااااااااااااااااااا يا دكتور اسلام على المعلومات القيمة وننتظر المزيد

على الردود وانا هكمل بقية المواد

هكمل بقية مواد مدسن

histology

يعنى علم انسجة مادة تحتاج حفظ من الدرجة الاولى وقليل من الفهم ان كان لا يوجد هههههههه

محاضراتها مش مهمة بس اللى يكون فاضى يحضر ميكسلش ويحضر

ومتذكروش المادة من اول السنة عشان بتتحدد ذاكروها فى الاخر وذاكرو التحديد كويس

فى المادة دى هتدرس انسجة الجسم زى انسجة الجلد والرئتين والاعصاب ...الخ

وبتاخد شكل كل نسيج ومكوناته تحت نوعين من الميكروسكوبات

EM&LM

المادة عليها 100

50 لكل ترم

ال50 مقسمين كالاتى 30تظرى 5 ميد ترم 10 عملى 5 كتاب عملى

بالنسبة للنظرى نظام الامتحان بيبقى give an account on

وده اسلوب مواد مدسن كلها اسئلة نظرية اكتب ما تعرفه عن يعنى بالعربى

وبيبقى فى مقارانات فى التحديد احفظها زى اسمك عشان ده سؤال سهل ومضمون فى الامتحان

بالنسبة للميد ترم بيبقى اختار او اكمل وبيبقى برا التحديد الترم الاول كان برا التحديد الترم التانى جه من التحديد

بالنسبة للعشرة العملى فامتحان العملى بيبقى عبارة عن slidesبتتعرض على projector

يعنى صور الانسجة بتتعرض على شاشة كبيرة وعليك تكتب اسم كل نسيج

وفى كمان سؤال عملى رسمة مهم جدا

ومتقلقوش شكل الانسجة بتبقى نازلة فى كتاب اطلس بتتشريه من القصر العينى

وتحفظ شكل كل نسيج

اخر حاجة 5 درجات كتاب عملى ده بيبقى كتاب بترسم فيه الانسجة وتسلمه ومفيش قلق منه بس لازم تسلمه عشان تاخد الدرجات

وانتظرو بقية المواد

اخوكم اسلام
_________________

تمام اوووى كده

ربنا يجعله فى ميزان حسناتك يا سمسم

حلو يا اسلام

تسلم ايدك وربنا يجازيك

بس طل بصغير ممكن تضم كل كلامك الحلو ده فى توبيكواحد اول مشاركه عشان اللى يدخل يلاقى كل حاجه فى الاول ما يقعدتش يدور
_________________
مستقبل كليه العلاج الطبيعى