شرح بالتفصيل لمواد الفرقة الاولى(مهم يا سنة اولى)

هكملكم بقية المواد

[]physiology[/]
ودى مادة تبع مواد طب تبعا وتقريبا من ارخم مواد طب بس بجد يا جماعة اللى عايز يبقى دكتور شاطر سواء فى طب بشرى او علاج طبيعى لازم يكون فاهم المادة دى كويس عشان دى من اساسيات الطب

المادة دى هتدرسوا فيها 6 chapters

الترم الاول هتدرسوا 3 اللى هما

introduction:مقدمة هيعرفك يعنى ايه فسيولوجى وشوية ظوار طبيعية زى diffusionيعنى الانتشار واهمية البروتين وغيره والجزء ده بيجى منه سؤال واحد بس فى النظرى بس بيجى منه كتير فى اسئلة ال mcqاللى هيا اختار وصح وغلط ونصيحة لو واحد مزنوق ايام الامتحانات ميبداش بيه

nervous system:وده يعتبر ارخم جزء ومحتاج مذاكرة كويسة هتدرس فيه الجهاز العصبى وانواعه وتاثيره على اجزاء الجسم المختلفة وبيجى منه اسئلة مشهورة فى الامتحان يعنى الجزء ده بيكسبك درجات

physiology of the ms&n:بتدرس فيه ازاى العضلات بتشتغل وبتدرس فيه موضوع لذذبذ اوى سبق ودراستو بالعربى هوا موضوع action potential يعنى النبضة العصبية وده سؤال مشهور جدا فى الامتحان وبيجى 100%
بالنسبة لموضوعات الترم التانى

هيا
blood:بتدرس فيه مكونات الدم بالتفصيل وخلايا الدم وتكوين الجلطة الدموية وغيرها من الموضوعات اللذيذة والجزء ده بيشرحه دكتور حسن عيسى وبيبقى محاضراته ممتازة

heart:فى الجزء ده بتدرس القلب وتكوينه وشوية مصطلحات مهمة عنه وبتدرس ضغط الدم وبيبقى مهم فى العملى

respiration:يعنى التنفس وفى الجزء ده بتدرس mechanism of rrspirationوشوية مصطحات مهمة خصوصا فى الشفوى والعملى واسئلة مشهورة بتاعت الجزء ده

المادة عيلها 200

100 درجةة لكل ترم

توزيع ال100 كالاتى 50 نظرى 20 عملى وبيبقى عبادرة عن اسئلة صح وغلط
30 شفوى بتقعد قدام دكتور وبيسالك

بالنسبة لامتحان النظرى بيبقى عبارة عن give short note on

وخلى بالك بتبقى فى اسئلة مشهورة بتعرفها من السنين اللى فاتت

الشفوى زى ما قلت عليه 30 الترم الاول بتاخد 15 على الحضور تخيلوا وبتقعد قدام دكتور فى القصر العينى وبيسالك وخلى بالكم ياريت تشوفوا ايه الاسئلة اللى بيسالها الدكتور من زميلكم اللى امتحنوا قبلكم

العملى mcq

وحضور محاضرات المادة دى مهم عشان مادة رخمة وعايزة مذاكرة ومتسبهاش للاخر احنا اتزنقنا فيها ليلة الامتحان وكان قبلها يوم ونص وطلع عينا والله كنا بنسهر اليوم ونص ومنمش غير ساعتين بجد يا جماعة لو شديتو حيلكم طول السنة يعنى كقراية بس مش مذاكرة كمان

هترتاحو ايام الامتحانات

والمادة الجاية هيا

biophysics

يعنى فيزياء حيوية بيدرسها دكتور من كليىة علوم مادة صغيرة وحلوة والتقديرات فيها كانت عالية لسهولتها والدكتور اللى بيديها عسووووووول اسمه دكتور سعيد وبينجح كله

المادة عليها 50 درجة توزيعهم كالاتى

10 ميد ترم والامتحان ده يببقى بعد العيد خلو بالكم بيبقى اختار واكمل

وكتاب المادة دى كان متلغبط سنتنا الترم الاول فياريت تحاولوا تستعينوا بالورق اللى بيعرضه فى المحاضرات وتذكروا منه لانه بيجيب من الامتحان

بقية الدرجات 40نظرى بيقى الامتحان اختار كلله او معاه اكمل وبيبقى فى مسائل فى الاخر بتيجى بالنص من الكتاب يعنى ذاكروا مسائل الكتاب كويس هتضمنوا نص الامتحان

وهيا مش كتير يعنى 4 مسائل تقريبا وحضور المادة مش مهم بس لو فاضى احضر متكسلش

المادة الجاية هيا

biomechanics

يعنى ميكانيكا حيوية مادة مهمة جدااااااااااا فى شغلك لانك بتتعلم ازاى تمشى العيان وازاى تشخص حالته يعنى ايه العضلة الضعيفه وياه النصايح اللى ممكن تقدمهاله

والماده لذيذة جدا وبتتسمى مادة الامتياز والقسم زى العسل وحضور المحاضرات والسكاشن مهم جدا

ودى المادة اللى هتبدوا فيها من اول اسبوع

درجات المادة 200

100 لكل ترم

توزيعة ال100 درجة كالاتى

نظرى والاسئلة بيتبقى اختار واسئلة give the reason ومسئلة

شفوى بتتسال شفوى بيسالك معدين او دكاترة ودرجاتهم بتبقى كويسة متقلقوش

درجة اعمال سنة بتبقى على الحضور وكويزات يعنى امتحانات صغيرة بتبقى فى نهاية كل سكشن وبيجمعوا درجاتها فى الاخر

وزى ما قولت هيا مادة لذيذة وسهل تجيب فيها امتياز

اخر مادة واتفه مادة

english

بتدرس فيها مصطلحات طبية ومقاطع بضاف لاخر الكلمة عشان تحدد المرض

زى مثلا

itis=inflammation

وهكذا والمادة دى الدكتور مش بيجى الا قليل وحضورها مش مهم بس لو فاضى وزهقان ضيع وقت

المادة من 50 فى الترم

40 نظرى والامتحان بيبقى كله اختيارات وبتذاكر ليلة الامتحان لانها مش محتاجة

10 على البحث ودول مهمين جدا من النهاية لو معملتش البحث هتشيل المادة دى[/size]
_________________

وبكده اكون شرحتلكم كل مواد الكلية وارجو انى اكون فدتكم وارجو من الادارة دمج الردود
_________________

طبعا افدتنا شكرا

على كل خدماتك

ربنا معاكوا كلكوا يا رب و ما تخافوش انتوا صحيح ف الاول هتكونوا مش واخدين اوى ع الجو لكن بعد كده ان شاء الله هتتعودوا و لو اجتجتوا اى حاجه احنا هنا عشان نساعدكوا و بجد يا دكتور اسلام الموضوع ده كويس اوى انك فتحته و جزاك الله الف خير
_________________
انا مش عارف اتغير كل ما اؤل هتغير تحصل حاجه ترجعنى عن كل اللى انا ناويه
ايوه بفوء لما بروء و احاسب نفسى بكام سؤال و ارجع اؤل مفيش مخلوء مبيغلطش ده شئ محال
و ارجع تانى اغلط تانى كأنى بكلم واحد تانى انا زعلان من نفسى حئيئى انا غلطان و ضعيف و انانى

يا دكتور إسلام على الشغل اللى حضرتك عملته

بس كنت عاوزة أعرف إذا كانت طريقة المذاكرة

بتختلف فى الكلية عن قبل كده.....

وهل كل مادة ليها طريقة معينة ؟؟؟!!

-ياريت حضرتك توضح-

بس كنت عاوزة أعرف إذا كانت طريقة المذاكرة

بتختلف فى الكلية عن قبل كده.....

اكيد بتختلف عارفه انتى لو ذاكرتى مذاكرة ثانوية عامه هتجيبى امتياز المذاكرة قى الكلية ااقل بس عيب كليتنا ان امتحانتها كتير يعنى هتلاقى نفسك بعد العيد عندك ميد تيرم بعديه بشهر امتحانات الفشوى والعملى بعديهم باسبوعين امتحان الترم يعنى لازم متابعة وحسب كل واحد

فى ناس بتقدر تلم فى الاخر وبتجيب تقدير وفى ناس متعرفش تلم فى الاخر

وهل كل مادة ليها طريقة معينة ؟؟؟!!

اكيد

اولا مواد مدسن

اناتومى : محتاج منك مذاكرة طول السنة لانه طويل وعايز حفظ ولو سبتيه للاخر واتزنقتى فيه هتحتاسى خالص ومذاكرته بتبقى من الكتاب

فسيولوجى : لازم بعد ما تخدى كل محاضرة تروحى تقريها سواء من الكتاب او الكتابة وراء الدكتور عشان مادة صعبة ومحتاجة فهم لو قرتي اللى اخدتيه فى المحاضرة مجرد قرايه بس هينفعك كتير فى الاخر وده المادة الوحيدة اللى مش بتتحدد وبتمتحنى فيها كلها

بيو كميسترى : مادة حفظ جامد وبرضه خلى بالك ااقرى كل محاضرة مش لازم تذكريها مذاكرة جامدة والمادة بتتحدد فى الاخر ولازم تحفظى اسماء مركبات

هستولوجى: دى ممكن تشبيها للاخر عشان بتتحدد والكتاب اللى 200 صفحة بيبقى 40 بس هيجى منه فى الامتحان ومش محتاجة منك غير مجهود بسيط فى الاخر

مواد الكلية

ثرابيوتك والكترو:طبعا تركزى فيهم جامد وخلى بالك الكتاب بينزل متاخر فلازم تحضرى المحاضرات وتكتبى ورا الدكاترة ويفضل لو جبتى كتاب من اى حد فى تانيه وقريتى كل محاضرة منه عشان بعد العيد فى ميد ترم فى صفحات كتير والكتاب بيكون لسه نازل

واسئلة المادة دى مش بتكون مقالية بتكون mcqيعنى صح وغلط

وطريقة مذاكرتهم بتبقى من الكتاب

كتاب دكتور محسن بتقريه كويس وتركزى على النقط المهمة وفى امتحان فى اخر الكتاب مهم جدا بيجى منه اسئلة كتيييييييييييير سواء فى الميد ترم او الامتحان النهائى عشان كده لازم تحلى الامتحان ده او تخلى معيدة تحلهملكم

بالنسبة لكتاب دكتورة اميمة فالكتاب بيكون منظم ومش محتاج حفظ جامد يعنى ركزى على andications&contra indications

يعنى دواعى وعدم دواعى استخدام كل جهاز هتدرسيه وااقرى كويس الكتاب واحفظى النقط المهمة

وقبل امتحان الفشوى بيحددولكم اسئلة هتتسالوا فيها فى الثرابيوتك فى الالكترو مش بيحددو وبتتسالى فى الكتاب كله

بيو ميكانكس: المادة دى زى ما قلت من اسهل المواد هتاذاكرى من المذكرة اللى هتشتريه والمذكرة بتكون منظمة وشارحه نفسها ولازم حضور محاضرات وسكاشن وحفظ وفهم للمادة كويس

بيو فزيكس:سهلة مواد زى ما قلت هتذاكروا من ورق المحاضرات اللى بينزل فى المكتبة اللى قدام الكلية ولو الدكتور نزل كتاب نضيف ذاكره منه طبعا حسب دماغ الدكتور بقى

بس المادة عموما سهلة ومحتاجة قراية وفهم وحفظ مسائل والمسائل 4 مسائل فى الكتاب كله

انجليزى: مذاكرة ليلة الامتحان بحفظ شوية كلمات ومقاطع وقراءة بعض المصطلحات

واتمنى اكون فدتك يا دكتورة بسمة واطمنو احنا هنكون معاكم فى الدرسة وقبل كل امتحان تعالوا اسالونا وهنفهمكم نظام الامتحان
_________________

أكيد أفدتنى * جزاك الله خيرا *

ميرسى اوى يا دكتور اسلام

بس انا ليا سؤال

كتاب الأحياء بتاع السنه اللى فاتت ممكن احتاجه؟

علشان العضلات والجهاز العصبى كانت فى حاجات كتير موجوده فيه

]اى حاجة تلاقى فيها صلة بالدراسة بتاعتنا خليها معاك

وكتاب الاحياء اكيد ها تفتكر منه حاجات ها تحب ترجعلها

ان شاء الله وراقة جرايد مرمية فى الشارع وليه صلة بينا خليها معاك

انا مبدأى ابحث عن المعرفة فا أنها لا تبحث عنك

الهلالى 2007

الله ينور عليك يا دوك

الله اكبر عليك يا اسلام

خير ما قدمت

وربنا يجازيك خير فى كلحرف انتا كتبته يا صحبى

لكن انا مش فاهم ادمج الردود ازاى

فهمنى المقصد وان شاء الله يتنفذ فور

اخوك

الهلالى 2007

يا دكتور على المعلومات الهايله دى
ربنا يوفقك
_________________
لقد سقطت من عينى دمعه فى البحر....لو وجدوها فسوف اتوقف عن حبك

لو اشهرت سيفك لتقتلنى................فحاذر ان تجرح نفسك فتؤلمنى

.............لان حبى لكى فوق مستوى الكلام.....قررت ان اسكت والسلام..............

الله يبارك فيك يا عم اسلام والله بجد الواحد مكانش فاهم اي حاجه في اي حاجه بس نورتنا الله ينور عليك وانا احمد عامر( الفرقه الاولى) للي يحب زماله

انا فاهم يا هلالى اوكى يا اسلام هعمل كدة انت تامر

اهلا بيك يا ابو حميد لو احتاجتوا اى حاجة اطلبوا بس
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

ااااااااااااااااااااااااااااااااااااااااا