السلام عليكم سنة اولى دكاترة الغد ان شاء الله

احنا موجودين هنا علشان نجاوبكم على اى استفسار ليكم سواء فى الكلية او خارج الكلية

عاوزين تسئلوا حتى عن الموصلات وازاى توصولا لقصر العينى ومكانه فين

عاوزين تعرفوا ايه المواد اللى ممكن تاخدوا فيها كورسات ايه

عاوزين تعرفوا ها تشتروا عظم ولا مش لازم

مشكلة الدراسة فى بدايات السفر والانجليزى وكمان رمضان ها تعملوا ايه

المدينة والسكن احنا ممكن ندورلك على اقرب شقق للكلية اعقبال ما تظهر نتيجة المدينة لانها بتتأخر لنص عشرة

اى حاجة يا جماعة بتشغل بالكم من جوه او برة اسئلونا عليها لاننا كلنا من شتى المحافظات يعنى ممكن يطلع معانا واحدة فى سنة تانية وسكان جمبك فى نفس المحافظة

استنونا كمان فى اهم حاجة ها نبدأ معاكم خطوة بخطوة علاج طبيعى ها نحاول نجيب الاساسيات بتاعت كل مادة وها نشرحها هنا بحيث تكون داخل وانتا فاهم ايه اللى ها يتشرحلك وبأذن الله ها نشرح اول المحاضارات هنا كمان

وكمان نحاول نجبلكم الكلمات المعتادة او اللى لازم تكون عارفها قبل ما تدخل الكلمة ومعناها علشان تعرفوا والمصطحات الطبية واتسلوا بيها فى الاجازة

عاوزين نبدأ نتعلم بس بدلع شوية لغاية مال الدراسة ما تبدأ علشان ما نتقلش عليك من قبل مال داراسة ما تبدأ

اتفقنا

بس استنوا علينا شوية لاننا علينا ضغط الفترة ده وان شاء الله ها نفقو منها ونرجع تانى هنا عاوزيم منكم

يا جماعة ادخلوا على القسم بتاع التعارف والتراحيب وعرفوا بنفسكم علشان نتعرف على بعض ونتصاحب على بعض وندخل الكلية نكون عارفين بعض مكونين صداقات من قبل ما ندخل

وشاركونا فى بقيت الاقسام فى المنتدى اكتب موضوع او مشاركة وشاركنا برأيك وعبر عن نفسك علشان نعرفك

الحمد الله فيه ناس من اولى اشتركت معاانا وتبكتب مواضيع ومشاركات هنا وها نعم موضوع ازاى تتعامل مع المنتدى من طأطأ لسلام عليكم

واخر حاجة احب اقولها اتكلموا يا جماعة واسئلوا وقولوا كل اللى انتوا عاوزين تتكلموا فيه فى اى حاجة فى اى حاجة واحنا معاكم ....

اخوكم

الهلالى

ياجماعة بجد احنا تعبنا واتبهدلنا فى اول السنة لاننا كلنا كنتا تهايين

وتعبنا نفسيا ومعنويا وزهقنا من الكلية ومن الدنيا واللى فيها كلها

ما كنش حد معانا بيساعدنا الا االقليل اووى الىل كانوا بيصبرونا ويشجعونا من الاول والجديد بجد يا جماعة احنا عاوزين نعمل حاجة ربنا يكرمنا بيها

والله يا جماعة مش عاوزنكم تتبهدلوا زينا عاوزين نوضح الصورة ليكم كلكم من قبل ما تدخلوا عاوزنكم تكونا مستريحين من بداية الطريق مش عاوزنكم تتكعبلوا فى بدايتها وتكرهوا الدنيا واللى فيها ......

ده احساس نابع من جوانا وحاسين انكم انتوا اخواتنا وربنا اللى يعلم ايه اللى جوانا مش ها اطول عليكم

اخوكم

الهلالى

glory تعبتك معاي