اسئلة لطلاب ودكاترة العلاج الطبيعى

اولا السلام عليكم
وامانة علي كل طالب او اخصائى ان يقرا الموضوع لاخرة ويجاوب بصراحة

هي مجموعة اسئلة سهلة بس المهم تجاوب بصراحة استني متقفلش اسمع الاسئلة لعلك ترجع وتستفيد

1- لو دخل عليك مريض ومعاة مرافق وبنظرتك كطبيب لاحظت انة المرافق الي مع المريض دة باينة علية علامات مرض ما
هل ستخبرة وتكشف علية وتعطية العلاج ام ستهملة وتهتم فقط بالحالة التي امامك ؟؟

2- لو جاءك مريض وانت تغلق عيادتك واخبرك انة يريد ان يكشف لانة مريض جدا هل ستتركة وتقول ميعاد الكشف خلص
ولا هترجع تفتح وتكشف مع العلم انك وراك ميعاد مهم؟؟

3- هل تفعل في عيادتك وتفرق بين الكشف المستعجل والعادي من الناحية المادية ؟؟

4- اذا جاءتك حالة مستعصية ولم تستطع علاجها هل تخبر المريض بذلك ام تكتب لة اي علاج ام تحولة علي طبيب اخر ؟؟

5- هل تختار ممريضينك وسكرتاريتك علي اساس وخلق ام تاتي بهم من اي مكان مهما كانت اخلاقهم ؟؟

6- هل تعني هذة الكلمات لك بشيء (الالم - الحقيقة - اة - الموت - الشفاء - الادوية - المال )

7- اذا جاءك مريض ميؤس من حالتة هل تخبرة بالحقيقة ام تحاول معة لعل الله يشفية وتعطية الامل ؟؟

8- هل ستقوم بتخصيص يوم او نصف يوم او حتي ساعة للكشف علي الغير قادرين بالمجان ؟؟

9- اذا جاءك رجل وبحتاج لجلسات عاجلة هل تقوم با جرائها علي الفور ام ستطالب بحقك المالي اولا قبل اي شيء ؟؟

10 السؤال العاشر والاخير بعد اجابتك بصراحة هل انت طبيب هل تقوم بما يجب عليك والان انتبة فالله اعطاك فضلا ومهنة لعلاج الناس ليس لاخذ المال او الشهرة فايهما انت طبيب ام ؟؟؟

ارجو الا اكون اطلت عليكم ولكن جاوب بصراحة لعلك تفعل الصواب و شكرا

لكم
_________________

السؤال الاول:لو انا شاكه ان المرافق ده عنده مرض معين هساله شويه اسئله تاكد شكي شويه وبعدين هطمنه واقوله يا ريت تذهب للدكتور متخصص في كذا عشان تطمئن بس...لكن مش هصف له اي علاج مش في تخصصي..

السؤال الثاني:بص ان كان فعلا مريض جدا زي ما بتقول اكيد هفتح العياده تاني واكشف عليه واعتذر عن الميعاد ده او هاجله..عشان معنديش استعداد اتحمل الذنب لو تاخيري عنه سببله مضاعفات تانيه..

السؤال الثالث:لا طبعا السعر موحد ما فيش فرق دي مش تجاره دي ارواح ناس...وبعدين انت شايف يعني المرضي هيقطعو نفسهم علينا..ههههههه

السؤال الرابع:انا عندي حل تاني غير اللي انت كاتبهم...انا هسال طبيب استاذ ليا اكون اتعلمت علي ايديه ومن غير ما المريض يعرف عشان ما تتهزش ثقته فيا..بس لو الموضوع ده مش نفع هابعته لطبيب اخر..

السؤال الخامس:طبعا هيكونو علي اساس وخلق لان ده هيكون في وشي انا ومش اي حد هقبله..

السؤال السادس:الالم..مش بتمناه ليا ولا غيري..
الحقيقه..ضروريه في التعامل بين الناس وكمان بين المريض والدكتور..
اة..موئلمه لو لغيري ومعرفتش اعالجها وما فيش غيري يقدر..
الموت..بخاف منه قوووووووي وهو اكتر شيء بيبكيني..
الشفاء..خير للكل..
الادويه..بتفكرني بالمرض ومش بحبها ومش بعرف اخد الاقراص..
المال..محتاجاه عشان اسعد اللي حواليه في المستقبل لاني اكتشفت اني مش هعرف احقق احلامي من غيره..بس بجري وراه بطريقه غيرمباشره..بعمل الكويس عشان بعد كده المال يجي من غير ما اكون ضايقت حد ومن غير ما اجري وراه..مش عارفه انت فاهمني ولا لا بس مش مشكله انا فاهمه..

السؤال السابع:ان شاء اله هحاول معاه ومش هيأس بس لو منفعش خاااااص هقوله مش هخبي..

السؤال الثامن:ان شاء الله يكون يوم كامل ويكون الجمعه ان شاء الله..

السؤال التاسع:عاجله ياعني مش ينفع الانتظار ما ينفعش اقوله الفلوس الاول..مش اخلاق الشعب المصري..وانا مصريه...

السؤال العاشر:وان كنت مش فاهمه ايه هو السؤال بالضبط بس هو انا لسه مش طبيبه بس نفسي اكون طبيبه كويسه واشفي كل مريض يجيلي ويرجع زي الاول قبل ما يمرض.....عشان كده هاخد دعواااااااااات كتير تشيل الذنوب اللي بعملها في حياتي..ويا رب كلنا نكون كده وما يكونش في اي دكتور علاج طبيعي خايب ابداااااااااااااااااااا...يا رب..

انت ما طولتش يا اسلام...تقريبا انا اللي طولت...
بس الاسئله جميله..وربنا يعلم اني جاوبت عنها كلها بصراحه واللي انا ناويه اعمله ان شاء الله...
وعايزين نشوف ردك انت بقه علي الاسئله دي......

يا اسراء نورتى الموضوع والله وبحييكى على صراحتك وخصوصا فى موضوع المال ده لان مفيش شك المال مهم للمستقبل وفى ناس بتحب تقول شعارات وخلاص

انا هجاوب على الاسئلة

1- لو دخل عليك مريض ومعاة مرافق وبنظرتك كطبيب لاحظت انة المرافق الي مع المريض دة باينة علية علامات مرض ما
هل ستخبرة وتكشف علية وتعطية العلاج ام ستهملة وتهتم فقط بالحالة التي امامك ؟؟

بصراحة لازم هقوله بس اكون متاكد عشان موديش الراجل فى داهية يعنى افحصه كويس

2- لو جاءك مريض وانت تغلق عيادتك واخبرك انة يريد ان يكشف لانة مريض جدا هل ستتركة وتقول ميعاد الكشف خلص
ولا هترجع تفتح وتكشف مع العلم انك وراك ميعاد مهم؟؟

بصراحة حسب نوع الميعاد يعنى لو ميعاد غرامى اكيد هطنشه ههههههههه
لا طبعا بهزر لو الحالة لازملها جلسة علاج طبيعى ضرورى هعمله جلسة

3- هل تفعل في عيادتك وتفرق بين الكشف المستعجل والعادي من الناحية المادية ؟؟
بصراحة انا مش بحب موضوع العادى والمستعجل ده بحس انه بيخالف لاخلاق الطبيب المسلم

4- اذا جاءتك حالة مستعصية ولم تستطع تشخيصها هل تخبر المريض بذلك ام تكتب لة اي علاج ام تحولة علي طبيب اخر ؟؟
اكيد هتكسف اقوله معرفتش بس هقوله مثلا روح للدكتور فلان ده عنده اجهزة وامكانيات اكبر منى وخبرة عنى

5- هل تختار ممريضينك وسكرتاريتك علي اساس وخلق ام تاتي بهم من اي مكان مهما كانت اخلاقهم ؟؟

لازم اكيد اختارهم علشان دول بيحملوا امانه

6- هل تعني هذة الكلمات لك بشيء (الالم - الحقيقة - اة - الموت - الشفاء - الادوية - المال )
الالم سلاح ذو حدين احساس سىء جدا للمريض الا انه بدونه ميعرفش المريض ان عنده مرض اصلا

الحقيقة قليل جدا لما حد يوصلها

اه ربنا يبعدنا عن الاهات

الموت خاتمة طبيعية للانسان محدش يقدر يمنعه حتى الطبيب

الشفاء الهدف من العلاج

الادوية هههههههه انا علاج طبيعى مش بنستخدم ادوية كتير الا اننا بندرسهاpharmachology

المال جزء من زينة الحياة

7- اذا جاءك مريض ميؤس من حالتة هل تخبرة بالحقيقة ام تحاول معة لعل الله يشفية وتعطية الامل ؟؟

احاول بس ما انصبش عليه يعنى احاول لغاية ما احس ان الراجل ده مش هيخف من الشلل اللى عنده

8- هل تقوم بتخصيص يوم او نصف يوم او حتي ساعة للكشف علي الغير قادرين بالمجان ؟؟

ليه لاربنا يسهل

10 السؤال ا والاخير بعد اجابتك بصراحة هل انت طبيب هل تقوم بما يجب عليك والان انتبة فالله اعطاك فضلا ومهنة لعلاج الناس ليس لاخذ المال او الشهرة فايهما انت طبيب ام ؟؟؟

ان شاء الله طول سنوات الدراسة وبعد التخرج هكون لنفسى شخصية الطبيب ومش بالمظهر والله لا بالعلم والقراية والاطلاع وان شاء الله هفهم كويس مجالى عشان انجح فيه
_________________

ايه يا جماعة مش ناويين تجوبوا ولا يه
_________________