فضفضلنا و هنحلها

عجبني هالموضوع ..وحبيت نتناقش في كل مشكله تواجهنا ..

بنواجه في حياتنا الكتير و الكتير من المشاكل سواء في البيت او علي مستوي الاصدقاء او في الكليه الامر اللي ممكن يعكر يومنا و يغير من صفو تفكرينا ..

::
::

أنا وأنت وهو وهي كلنا نواجه مشاكلنا الخاصة
هذا لديه مشكلة مع القضية الفلانيه
وهي لديها مشكلة في الشيء الفلاني

::
::

أحيان نجيد التصرف وأحيان أخرى نخطئ ونزيد الوضع ضرار عما كان عليه

::
::

نبكي بدموع حارة

نصرخ

لكن احيانا مش بلاقي حد يسمعك او حد عنده حل للمشكله دي

::
::

تمر بنا لحظات نشعر فيها بان الموت ارحم لنا من آن نبقى على الوضع الذي نحن عليه

::
::

ألم وشعور لا يطاق.. لكن لا دواء لنآ ولا عزء إلا الصبر

::
::

لا أنكر إني أنا ابكي و اتألم

تمر بي ظروف لا استطيع فيها التفكير
الإحساس قد أحاول الهروب هنا وهناك لكن
الهروب لن يحل المشكلة

::
::

بكل اختصار

::
::

موضوعنا هذا مفتوح للكل لتعبير عما بداخله
وبالعامية يقولوا
((فضفض وطلع اللي في قلبك))
ونحن هنا نقولها للكل::
::

فضفض

::
::

وإحنا كلنا أخوان وحبايب فرحنا واحد وحزننا واحد ويدنآ وحده مع بعض
نوقف مع الهموم ونشارك الفرحان فرحته
نبارك ونعزي ونواسي ونضحك

::
::

لأننا بيننا رابطة الاخوه رابطه الوفاء
وفاء الصديق لصديقه

::
::

الموضوع مفتوح للكل
عبر

تكلم

اشكي

::
::

يعني كلنا هنبقي مع بعضنا ايد و احده متعاونين و هنحاول نحل مشكله اي حد .. و هنا هيبقي عندك راي و اتنين و تلاته ...

يا ريت التفاعل و مفيش كسوف و لا خجل حتي لو كانت مشكله عاطفيه او خاصيه ممكن تحكيها ..

لازم نكون اسره واحده ايد واحده .. و صدقوني محدش هيضايك .. احكي براحتك طوول براحتك .. المهم نوصل لحل .

_________________

الله عليك يا حسام موضوع جميل اوى ربنا يكرمك ويقدرك
_________________
Wait us very soooooon
on
www.cairopt.net
we will wait u there.......................!!!

فما فى الارض اشقى من محب.............وان وجدالهوى حلو المذاق
تراه باكيا فى كل حين..............مخافه فرقه او لاشتياق
فيبكى ان نأوا شوقا اليهم.........ويبكى ان دنوا حذر الفراق
pt_mis2005

والله الموضوع جميل جدا

شكرا

ياحسام

بس اعتقد ان الحكايه هيبقى فيها احراج وخصوصا من قطط سنه اولى اللى لسه مش عارفينا كويس
_________________

موضوع ممتاز يا دكتور اااا ليك

اسمحلي ابدأ انا لاني نفسي اتكلم مع حد و انتو اديتولي الفرصه ديه ..........انا حزينه جدا على وضع اكيد اي حد يكرهه
انا بحس بالغربه و انا مع اسرتي ..كل واحد مننا في وادي و كل شويه زعيق اذا كان من اي حد منهم بابا او ماما او اخويه........و بابا و ماما مبيتكلموش نهائي مع بعض..حتى الاكل بابا بيرفض يأكله لو ماما اشترته او عملته........و كل مره حد يتضايق ميكلموش بعض آه بس بقيت اليوم بيبقى نكد..و طبعا انا الوحيده اللي موجوده في البيت علشان الزعل يطلع فيها...و اخويه مكبر دماغه و طفشان مع صحابه..حتى لما يبقى في البيت يبقى معظم كلامنا خناق..و المشكله انه عايزني اسمع زعيقه و اوامره و متناقش و لو اتناقشت ابقى لمضه
و ماما بقت كل شويه تزعقلي من غير سبب...و حتى لما احاول اخفف عنها يبقى كأني بضربها مش بطبطب عليها.القيها فجأه صرخت فيه و تدعي على بابا و بعدها من كتر زعلها تدعي عليه...انا عارفه انها مش قاصده و من ورا قلبها...و ان ده بس لحظة غضب..بس اكيد ديه بيأثر فيه اوي........و لحظات الغضب كترت
و حاولت بس اني اصالح بابا و ماما كان جزائي الخصام....ماما حاولت تصالحه كتير بس هو رافض يبصلها حتى

و انا تعبت من كتر الزعيق..لدرجة اني مرتين زعقت مع ماما و انا بقلها كفايه زعيق انا تعبت من الزعيق..بس تفضل تزعق بردو............

تصور اني احلى لحظه ليه باقضيها في البيت لما البيت يبقى فاضي مفيهوش غيري
و بقيت علطول قلقانه مش عارفه اخلص من القلق.....و كل ما احاول اشتكي لماما من كتر القلق تقول متفكريش مفيش حاجه تستاهل....و انا مش مستعده الغي عقلي و مش عارفه مفكرش
بقيت علطول قلبي مقبوض و مش واثقه من اي حاجه اعملها او اقولها
و بقلق كل ما افكر في السنه اللي جايه و بخاف معرفش اركز و اضيع وقت.........و بابا بيقولي مهما يحصل متنزليش عن مستواكي..يعني فوق القلق محملني قلق زياده..لاني لو محققتلوش رغبته اني ابقى معيده((ده كله طبعا بايد ربنا)) هنزله من سابع سما لسابع ارض و اخليه بجد يائس اكتر من يأسه الحالي لان ده مش عارفه مخليه حلم حياته

والله ما حد يتصور انا كمية الحزن و القلقاللي حساهم بجد و نفسي حد يكلمني..انا والله متوكله على ربنا و بشكيله و بسأله هو ......بس دايما الواحد عايز حد يفكره و يكلمه.الشيطان بيقدر على الواحد و هو لوحده و خصوصا لما معظم وقته بيفكر
و صحباتي عارفه كل واحده مشغوله و مش عايزه اشغلهم معايا..مع انهم ما شاء الله عليهم كل واحده تشوفني تقوللي انت فيكي حاجه مالك؟؟..بحب شفافيتهم.....و بيحاولوا بجد يساعدوني حتى اللي مبحكيلوش عن اللي مضايقني

انا عمري ما قعدت على النت في الاجازه الا لما جيت اجيب النتيجه....و من ساعتها اتعلقت اوي بالمندى لانه بيخليني مفكرش في مشاكلنا كتير و بيخرجني من حزني شويه
لكن قبل ما افتحه كنت حتى بتعب من الكلام
بس انا نسيت خلاص معنى العيله
و زعلانه اوي على اللي احنا وصلناله..

و ده بدأ من قبل امتحانات سنه اولى...و كنت ساعتها بترجى ماما انها تخرجني من مشاكلهم على الاقل لغاية ما اخلص امتحانات
البيت بجد مفيهوش اي لون من الفرح
انا الحمد لله صابره و راضيه..و عارفه ان اهلي نعمه مش هحس بيها الا لو راحت مني ((ان شاء الله ربنا يخليهملي)) بس مش عارفه احس براحه.الحمد لله المؤمن مبتلى

انا كنت عايزه اتكلم بس
ااااااا
Surprised

والله بجد يا اسماء انا حاسه بكل كلمه نتقوليها
انا انه الحل مش بايدك بس انت بايدك سلاح قوي جددددددددددددددددا
الدعاء
احنا داخلين على شهر كريم اجعلى دايما دعائك اصلاح الحال فى البيت
بس اوعى تيئسىابددددددددددا من رحمه ربنا
وبقول لكل اعضاء المنتدى لو سمحتم عايزين فى رمضان نخصص دعوه لاسماء وياريت تكون قبل الافطار
وياريت نخصص لها ركعتين فى القيام ندعى لاسماء بس
والله هو ده اللى نقدر نعمله والنتيجه هتظهر اذا كان دعائنا صادق بجد ولا ايه
وياريت نفكر بعض بالدعاء
واتمنى يااسماء انك تطمنينا عليكي اول باول

_________________
لئن سألتني يا رب يوم القيامة عن ذنبي لاسألنك عن رحمتك... ولئن سألتني يا رب عن تقصيري لاسألنك عن عفوك... ولئن قذفتني في النار لاخبرن اهل النار اني احبك... كفاني عزا ان تكون لي ربا ...وكفاني فخرا ان اكون لك عبد... اللهم اجعلني ممن يستمعون القول فيتبعون احسنه...

ربنا يكرمك يا مها...انا فعلا محتاجه الدعاء...و انا هدعيلكو........ربنا يكرمك بجد يا مها و يجازيكي كل خير
Surprised

والله يا اسماء مش عارف اقولك ايه

بس اقسم بالله العظييم نفس مشكلتى بالظبط بس الفرق بقى ان كمان فى زعيق مع اخواتى

واخويا مكبر دماغه برضه وبيخرج مع صحابه

بس انا حتى مش بتفاهم معاه رغم انه قريب من سنى

بس تعرفى الفترة اللى جات فيها سفر لمصر

وتقريبا ايام امتحانات الترم الاول

رجعت لقيت بابا وماما زى السمنة على العسل كان ربنا كده فرجها من كده

بس للاسف المشكلة لسه قائمة عندى ان مفيش حد بيفهمنى وديما يزعقولى حتى من غير سبب

وعايزنى امشى على هواهم حتى فى الحاجات الشخصية ولو معملتش كده مبقاش بسمع الكلام وابقى وحش

حتى اخواتى مفيش بينا كلام او تفاهم لو اتكلمت نعاهم ممكن يتريقوا عاليا

عشان كده انا بهرب ديما للنت وخصوصا فى الاجازة

24 ساعة نت ونوم

ربنا هيحلها من عنده صدقينى بس حاولى تخليهم يقربوا من بعض شويه

حتى لو رحتوا كده رحلة او حاجة هتغير كتير

وربنا يحل مشكلتك ومشكلتى يا اسماء

وخلى عندك امل فى ربنا جامد انا قبل ما ساافر كانت الامور متعقدة خالص سبحان مغير الاحوال يعنى

اخوكى اسلام
_________________

عارفين .. الموضوع عجبنى جدا وبجد لماالواحد بيلاقى حد عنده مشاكل بيحس انه مش لوحده فى الدنيا بيحس ان فى حد ممكن يساعده انه يتخطاها .. انا يمكن بطبيعتى شخصيه كتومه جدا فيما يخص ظروفى العائليه .. لكن كل الللى اقدر اقوله انى فعلا كنت ححاسه بوحده فظيعه لانى اصغر واحده فى البيت و ليا اخين كبار الى حد كبير مفيش بينا حوار عميق كله سطحى نظام عامله ايه و صباح الخير و... ده غير ظروف تانيه كانت فى العيله ...المهم انى فعلا كنت عايشه وحيده كده مع افكارى برسم و اكتب و بحاول اعوض ده بالاصحاب و العيله و الحمد لله ربنا اكرمنى ببنات خال جمال اوى الحمد لله هم اللى كانو فعلا زى صمام امان ليا ... بس والله يا جماعه فى حاجه نفسى اقولها انى بجد لما قربت من ربنا سبحانه و تعالى والله الدنيا اتغيرت كتير الحمد لله عن الاول و اتحسنت قلت سبحان الله فعلا و زى مقال دكتور اسلام ربنا بيحلها ...
انا بس يا جماعه نفسى اقول ان فيه مشاكل ملهاش غير انك تصبر عليها و ربنا سبحانه و تعاله كفيل انه يحلها مفيش اى شىء بيفضل على حاله..و بجد عن تجربه حاول كل مره تزود كلمه جميله على حوارك مع اهلك من غير طلبات ولا زعيق ولا اى حاجه .. اضحك فى وشهم خليك زكى و عامل كل واحد بطريقته .. لو اللى قدامك مش فاهمك حاول تفهمه نفسك و تشرحله نفسك انا عن نفسى كنت دايما بطلب ان عيلتى تفهمنى و كنت بتهمهم بالتقصير ...لكن برده اكككتشفت ان العطاء ليه متعه

ان تضىء شمعه خير لك من ان تلعن الظلام - المثل ده كان عاجبنى اوى .. حاول تلتمس الاعذار و الجا لربنا اوى اوى ... انا مكنتش كده بس الحمد لله اتحسنت و لحد دلوقتىبغلط لكن برجع و اطلب من ربنا انه يعينى على البر بوالدى و عيلتى ..

لكن برده ده لا يمنع اننى مش بقلل من تعاطفى مع اى حد بيفتقد ان حد يفهمه و يستوعبه
_________________
سبحانك اللهم و بحمدك , اشهد ان لا اله الا انت , استغفرك و اتوب اليك ...... دعاء كفارة المجلس

موضوع هايل ومفيد وهيكسر الحواجز اللى بينا ويقربنا من بعض اكتر

بالنسبه لموضوعالوحده الكل بيحس بيه من بعد سن الثانويه العامه وده ملوش حل الا انتظار الفرج من عند الله او انك تتجوز وتستقل بحياتك

انا بالنسبه ليا اكبر مشكله فى حياتى علافتى بوالدى

اقسم بالله انا عندى 21 سنه كلمت فيهم بابا فى سبع او ست مواضيع بس طول السنين دى مفيش كلامما بينا الموشوع مشزعل او خناق لا هوطبعه كده بيتكلم ويهزر مع كل البيت الا انا مع انى الكبير بس يمكن امى واخواتى مهونين عليا والله العظيم انا عمرى ما طلبت منه طلب مباشر لازم يبقى عن طريق امى حتى لما طلبت منه انى اخطب كان عن طريق امى واتفقت معاها على كل حاجهوهومهنش عليه يعاملنى كابن لمره واحده ويشوف طلباتى ايه او هنتفق هنعمل ايه فى اهم خطوه فى حياتى
بس كفايهكده لحسن انا دمى اتحرق
_________________
مستقبل كليه العلاج الطبيعى

اااا ليك يا اسلام ربنا يعينك و يقويك
كلامك جميل جدااااا يا هبه ااا ليكي و خدت منه كتيييييير
د/حماده ربنا يخليلك ماما....بردو الاب بتبقى مسئولياته بتخليه متعصب و مش قادر يركز في مواضيع تانيه بالرغم من انها مهمه الا انه بيبقى حاطط ثقته ان الام هتحل مكانه,,,,,و اللي انت بتقوله نفس اللي بيحصل بين بابا و اخويه
المهم رمضان كريم و يا رب نخرج منه مغفور لنا ميسر علينا امرنا مثبتة اقدامنا و مثبتة قلوبنا على الايمان
Surprised

السلام عليكم
ازيك يا سمسم
بالنسبه لموضوعك انا مع مها وبجد الدعاء هو الحل الوحيد
واحنا كمان معاكى بالدعاء وان شاء الله تتحل المشكله
وتقريبا هى مشكله كل بيت دلوقتى
بس احنا لازم نصبر ونوجه شكوانا لله وهو الاعلم بحالنا
وربنا يتقبل الدعاء ويقدرنا على طاعه والدينا
_________________
اللهم استرنا على وجه الارض وارحمنا فى باطن الارض
واغفر لنا يوم العرض وارزقنا حلالا يكفينا وابعد عنا كل
شئ يؤذينا ولا تحوجنا لطبيب يداوينا

ازيكم يا شباب ؟؟ ايه الاخبار ؟؟

كان ليا بس كام ملاحظه كده علي المشكله بتاعتكم لان كل واحد فيكم مشكلته مختلفه بالرغم من ان النتيجه واحده .

نبدا باسماء .. انا حاسس ان المشكله اصلا بين والدك و والدتك و ممكن نحلها بطريقه ظريفه اوي ... بس لازم تبداي باخواتك لانهم اكيد عندهم نفس مشكلتك و تتكلموا و تتفقوا .. تعرفوا لو انتوا كلكوا رحتوا و قعدتم معاهم و سالتوهم في ايه و ايه المشكله و ليه منعش هاديين سعداء .. لما يلاقوكم كلكم متضايقين من الوضع .. اكيد هيفكروا ...

شوفي كده الحل ده و ردي عليا ....

و بالنسبه لاسلام لو المشكله دي لسه لسه موجوده تبقي مشكله تفكير يعني ممكن تكون الصغير حاجه زي كده فكلو بيفرض كلمته عليك و ده عادي و علي فكره هتنتهي قريب جدا .... لكن بالنسبه لخناقات والدك ووالدتك فدي وقتيه و بتتحل زي ما قلت ..

اما بالنسبه لحماده فانا حسيت من كلامه انها زي عقده او سوء تصرف من الطرفين .. يعني الواضح ان مفيش مشكله ووالده بيهزر و بيكلمهم معني كده انه بيقرب منهم .. ممكن تكون المشكله ان والده معرضش عليه انه يسمعه و حماده نفسه مجربش يحكيله ... و علي فكره مش معني كده ان عمره محسسك انك ابنه .. لان كل لؤمه بتاكلها في بيته لازم تحسسك انك ابنه ...

انا قصدي ان في فجوه في النص هتتسد بخطوه من واحد فيكو و صدقني لو اتسددت هتقول ايه ده انا كنت فين و ازاي مكنتش فاهم الراجل ده ... حاول تاخد خطوه كده و هتلاقي كله تمام ...

_________________

ااااااا يا دكتور على مساعدتك
بس انا عارفه سبب المشكله و والله ما يستاهل و هايف........بس خلاص بابا رافض نهاااااااااااااااائي اي كلام او معامله تاني مع ماما ...كل حاجه بتم من خلالي

و بالنسبه لاخواتي فليه اخ واحد و مش حاطط الموضوع في دماغه اصلا و كانه مش عايش معانا هو عايش في عالم تاني لوحده و صعب النقاش معاه

و انا حاولت اصالحهم و انا اللي اتخاصمت و بابا هددني لو حاولت تاني هيسيب البيت

و ماما حاولت تصالحه كان هيسيب البيت فعلا لولا انها قالتله لأ بلاش انا خلاص مش هقول حاجه تاني
الحمد لله على كل حال

الموضوع جميل اوى اوى بجد وبيقرب كلنا من بعض
معلش يا اسماء والله مش لوحدك كلنا يابنتى عندنا تقريبا نفس المشكلة
وبنعانى من الوحدة والغربة حتى وانا فى وسط اهلى
مفيش حد بيسمعلى وان قولت الصراحة ابقى قليله الادب ومش بسمع الكلام
وفعلا الواحد لقى النت هروب شوية من جو البيت المخنق
وبرضو الاصحاب بيخففوا شوية
بصى انتى حاولى تهربى من جوالبيت بأى طريقه لحد لما الامور تتصلح
وعندك اصحابك يعنى حاولى تقضى الوقت معاهم
والله انا برضو نفس المشكلة عندى
بس سيبك وروقى وفرفشى اهى الدراسة داخله وهتنشغلى عن الجو ده
ربنا معاكى ومعانا يا اسماء

ر بنا معاكى يا اسماء و يأويكى بس انا بجد فخوره انى اعرف واحده زيك يعنى ف وسط كل ده الا انك تدى مثل حلو للبنت المحترمه
_________________
انا مش عارف اتغير كل ما اؤل هتغير تحصل حاجه ترجعنى عن كل اللى انا ناويه
ايوه بفوء لما بروء و احاسب نفسى بكام سؤال و ارجع اؤل مفيش مخلوء مبيغلطش ده شئ محال
و ارجع تانى اغلط تانى كأنى بكلم واحد تانى انا زعلان من نفسى حئيئى انا غلطان و ضعيف و انانى