فضفضلنا و هنحلها

عايز اقولك كلمة واحدة يا اسماء

انا كانت معايا نفس المشكلة

وصدقينى ربنا حلها الحمد لله

ابويا عمل عملية فامى وقفت جانبة لغاية ما الحمد لله رجع وخف وبقى كويس جدااااااا ومن ساعتها والحمد لله البيت ماشى كويس

فصدقينى اصبرى وحاولى تفصلى بين الدراسة والمشاكل العائلية

اة هو صعب بس مش مستحيل

وذى ما قالت مها احنا فى شهر كريم

عليكى بالدعاء وصدقينى ممكن يكون دة بلاء من ربنا فاصبرى وان شاء الله خيرا
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

الحمد لله.....توكلت على الله....هحاول افصل على اد ما اقدر و ربنا يحلها.... شكرا

اااااا يا د/سعيد على مساعدتك

و متشكره جدا يا آلاء على كلامك
جزاكي الله خيرا

على فكره يا اسماء والله بندعيللك
ربنا معاكى
وانت كمان متنسيناش في الدعاء Surprised

يا حسام على كلامك

بس صدقنى الموضوع اكبر من عقده

دى حقيقه
_________________
مستقبل كليه العلاج الطبيعى

بصى يااسماء لو المشاكل اللى بين مامتك وباباك مالهاش حل يبقى انتى مش فى ايدك الا انك تجنبيهم الاحتكاك ببعض على الاقل علشان يبقى البيت اهدى
اما بالنسبة لدكتور حماده فالعيب مش منك المفروض ان والدتك كانت تحاول تكسر الحاجز اللى بينك وبين والدك وماتبقاش هى همزة الوصل حاول تدخله فى اى حاجة تخصك وتحسسه ان رايه اثر فيك

والله يا جماعه فعلا كلام الدكتوره هبه (جزاها الله خيرا ) جميل جدا وهو ده الحل أصبروا وعاملوا كل واحد حسب شخصيته وأتكلموا مع أي حد في الأسره في أي موضوع بس في الوقت المناسب وحاولوا في يوم تخرج الأسره كلها في رحله مع بعض ولازم تكسروا الحواجز ألى بينكم يعني طلعي صور الفرح بتاعه بباكي ومماتك وفرجيهلهم أقعدي أحكلهم عن المواقف ألي بتحصل في الكليه أو أي موضوع حلو شوفتيه في المنتدى

أما بانسبه للاخوات فاضربوا بعض وهزئوا بعض براحتكوا لان ده الطبيعي وده عمره مهيقلل من الحب ألي بينكم

ويا جماعه أنتوا أباء وأمهات المستقبل لازم تعرفوا أسباب المشاكل وتتجنبوها في حياتكم لان اصلاح المجتمع يبدأ من اصلاح الأسره

ويارب الخير والسعاده تعم على كل بيوت الأسر الاسلامية

أناعندي مشكله ان اخواتي بيبعدوا المسافه بيني وبين امي بالرغم من كثره مصائبهم وأنا خلاص هموت منالوحده لاني فعلا وحيدة واخواتي الصبيان بجد عقدوني ومفيش اخوات بنات

بيبعدوا المسافه يعني بياخدوا الاهتمام يعني لنفسهم.......ولا بيحاولوا فعلا يوقعوا مثلا ولا ايه؟؟

و اذا كان للاهتمام بس و ماما موجهه معظم الاهتمام ليهم فده اكيد مش قصدها.يمكن علشان مشاكلهم زي ما انتي قلتي.عندي ماما انا عذراها اوي لانها كانت كتير بتعامل اخويه معامله فيها دلع زياده و انا كانت علطول جامده معايا.......بس صدقيني ده علشان هي بتعامل الظروف مش اولادها.هي عارفه اني جامده فبتعاملني باسلوب الام العادي.لكن اخويه نفسيته بتتعب بسرعه فبتبديه عليه كتييييييييير..بس ده مش ابعاد مسافات او حاجه ده بس علشان الظروف فعلا بتحاول تعالجها

و اما اذا كان لا قدر الله توقيع او حاجه فممكن تقوللي لمامتك انتي حاسه بايه .و انك مش عايزاها تبقى زعلانه منك ابدا و انك بتحبيها اوي.كفايه التلت كلمات دول يخلوها تفرح بيكي اويييييييييي ..

انا مش عارفه اساس المشكله بالظبط بس انا بحاول اساعدك على قد ما اقدر...و حاولي تدعي علطول ربنا يثبتك و يهدي الامور عندكو لان احيانا في مشاكل بيبقى حلها الصبر و الدعاء و الدنيا مش هتفضل كده علطول اكيد هتتغير.فيبقى دورك تدعي ربنا يعجل بالتغيير و انه يبقى افضل ان شاء الله........و شغلي قرآن كتير في البيت..ربنا يعينك حبيبتي في الله

والوحده لان ماما مسافره مع اخويا وانا معايا بابا بس حاسه دائما بالوحده ومش باعرف اذاكر او اركز وحتى احلام اليقظه مش بتطلعني من الوحده دي ابداااااااااااا

حبيبتي ممكن تتصلي بقرايبك او صحابك كل ما تحسي بالوحده........و قوللي لصحابك يرنوا عليكي علطول بالموبايل يفكروكي انهم معاكي

و ادخلي معانا على المنتدى.......ده والله بحس انه بيتي التاني و بحبه جدا و بحس ان كل اللي فيه اهلي.......فادخلي نقشينا و اتكلمي معانا

و اتصلي بماما كل يوم.......و اعملي لنفسك جدول مليان ليومك علشان تشغلي نفسك عن التفكير.خليلك هدف او عمل معين تبقي بتحبيه اوي و عايزه تعمليه و حطيه في جدولك و انتي هتحبي تخلصي كل اللي وراكي و توصليله
و زي ما قلتلك عليكي بالدعاء

بصى يا اختى الحزينة

لو فعلا مش قادرة تلاقى نفسك فى عائلتك وحاسة ان كل واحد مع نفسه

فى عندك حل من اتنين اما انك تتكلمى معاهم وتشوفى اية اللى بيخليهم يعملوا كدة وتتقربى منهم

وتعملى اللى بيحبوة لو فعلا مامتك مسافرة قومى دلوقتى كلميها فى التليفون وقوليلها وحشتينى يا امى وشوفى ردها بجد الكلمة دية هتحرك احساس مش هقدر اوصفهولك جربى بس

اما التانى

اكيد عندك صديقة او زميلة بتستريحلها قوى ليه متتكلميش معاها وتفضفضى معاها

امال الصداقة لية علشان اللعب وبس

ربنا جعل لينا اصدقاء علشان كدة علشان يقدروا يساعدونا فى الحياة

يا رب اكون ساعدتك حتى ولو بجزء صغير

يلا قومى وكلمي مامتك

متنسيش

وحشتينى يا امى
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]