أسئلة؟؟؟؟؟

موضوع: أسئلة؟؟؟؟؟ السبت سبتمبر 08, 2007 2:06 am

السلام عليكم

انا كنت عايزة اسأل

مواد سنة تانية كتيرة واكيد مواعيد الكلية بتبقى متأخرة كالعادة

طيب أنسب وقت للمذاكرة يبقى امتى؟
وهل كل المواد تتذاكر من الاول ولا ؟
وايه هى المواد الاهم والاقل اهمية؟
وايه هى طريقة المذاكرة اللى ممكن الواحد يجيب بيها تقدير كويس؟

موضوع: رد: أسئلة؟؟؟؟؟ السبت سبتمبر 08, 2007 3:00 am

أولا وقت المذاكرة انا عن نفسي نت بروح انام واصحى اذاكر بليل ن الساعه مثلا 12 لحد الفجر ده وقت حلو اوى ثانيا مش كل المحاضرات كنت بحضرها زى ot.rehab.ms testلان بصراحه السكاشن بتاعتها حلوة اوى وبتقال فيها كل اللى اتقال ف المحاضرت مفيش بس غير التحديد تبقى تيجبه من حد امواد المهمه بجد الاناتومى والفسيولوجى مش لازم يتركنوه خالص اقل حاجه اقري كل يوم فيهم وطبعا مواد العلاج الطبيعى لكن الot. rehb.ms test مش مهم اوى بس الms test اصلا سهله وبتتحفظ وانتو ف السكشن مش محتاجه حاجه وبردو الباثولوجى مهم اوى مع انه بيتحدد كل سنه طريقه المذكرة انك تتابعى كل حاجه ومترميش حاجه وتهمليها وايام الميد تيرم بتخليكوا تركزوا ف كل حاجه واخر السنه كنت بذاكر الماده واحل الامتحانات والامتحان مبيخرجش من أسئله السنين اللى فاتت وده ف اى ماده وربنا معاكى ويوفقك ولو احتاجتى حاجه انا موجوده تحت امرك

موضوع: رد: أسئلة؟؟؟؟؟ السبت سبتمبر 08, 2007 10:10 pm

وعليكم السلام ورحمة الله وبركاته

بصي يا دكتورة سنة تانيه أخر معاد فيها على سنتنا وأحتمال برضه سناتكوا بيبقى يوم أوي يومين في السبوع بتخلصوا الساعة 6 وساعات قبل كده كمان
يعني بيبقى قدامك فرصة انك لما تروحي تذاكري وتناامي بدري لأن فيه محاضرات بتبقى مهمة بدري زي الباثولوجي مثلاً ومواد تانية برضه
وممكن تنامي شوية وتصحي برضه تزاكري وهتلاقي وقت كافي ان شاء الله
وخلي بالك مش كل المحاضرات بتتحضر، يعني مثلاً :
- محاضرة الأناتومي مهمة أوي ولازم تحضري عشان تعرفي ايه اللي عليكوا إلا لو أخدتي كورس فساعتها المحاضره ملهاش لازمة وممكن تعرفي اللي عليكي من زمايلك
- الفسيولوجي مهم أوي أنك تحضريه وكمان عشان تفهميه كويس
- الكيمستري براحتك بس الصراحة انا داخلة تالتة أهو وعمري محضرت محاضرة بيوكيمستري
- الباثولوجي مهم أوي انك تحضريه عشان هيسهل عليكي الترجمة غير انه كمان بيقول على حاجات مهمة وديه بتيجي في المتحان وكمان بيحدد أثناء الشرح وبيشطب حاجات
- الثيرابيوتك والألكترو مهم أنك تحضري خاصة الألكترو لأن الدكاتره بيقولوا على حاجات مش في الكتاب وبيسألوا فيها شفوي وفي النظري
- rehab & OT & ms. test مش مهم انك تحضريهم خالص وابقي خدي التحديد في الأخر من زمايلك لأن الدكاتره كمان بيتاخروا على المحاضرة وساعات كتير مبيدوهاش أساساً أو يلطعوكوا وقت طويل عشان يدوا ربع ساعة ملهاش لازمة والمصل تيست السكشن بيقولوا فيه كل حاجة والمحاضرة ملهاش لازمة
- علم النفس المحاضرة ملهاش أي لازمة وامتحان الميد ترم بيبقى open book يعني بتفتحي الكتاب وبيبقى متحدد صفحات معينة تطلعي منها الأجابة وامتحان الترم بيتحدد من الملزمة وأهم حاجة أو من الأفضل أنك تشتري الملزمة لكن المحاضرة ملهاش لازمة خالص
- البيوميكنكس وديه مادة كلكوا عارفينها من سنة أولى ومفيش أي حاجه هتلاقوها اتغيرت في النظام غير أن المنهج هو اللي اتغير لكن هتلاقوه نفس نظام سنة أولى ونفس نظام مزاكرتها.
وهي ديه مواد الكلية والعملي للمواد مش كبير زي سنة أولى وفترات الشرح أقل وهتلاقي وقت أكتر من سنة أولى غير أن عملي القصر العيني مفيش غير الأناتومي بس لأن مفيش فسيولوجي والبيوكيمستري هي مرة واحدة بتبقى فآخر السنة وبيقلوكوا قبلها
وياريت متخليش ولامادة يبقى أول مره تفتحيها أول الأمتحان غير علم النفس لأنه مش بيتحدد إلا فالأخر
لكن الأناتومي والفسيولوجي لازم لازم من الأول
الكيمستري برضه يستحسن برضه أو على الأقل تبقي بتقري ومتابعة
والباثولوجي زكريه أول بأول عشان ميتراكمش وأحضري عشان تعرفي أيه اللي عليكوا بالظبط
أما مواد therapeutic,electro,rehab,ot,ms test & biomechanics فانتي زاكري كل سكشن بسكشنه وانتي هتلاقي نفسك بتزاكري لوحدك عشان بتمتحنوا كتير خاصة البيوميكنكس غير ان ده هيساعدك كتير لما تيجي أمتحانات الميد ترم هتلاقي نفسك مخلصة كم كبير والمحاضرات على الأقل أقرأيها
وبكده مش هتزنقي نفسك وهتعرفي تلمي المواد كلها منغير مايجي على حساب مادة تانية

أما بالنسبة لطريقة المزاكرة :
فهتلاقي ان معظم المواد لازم تفهمي وبعدين تحفظي إلا قلة وهم ال rehab& ot فدول أهم حاجة فيهم الفهم وهما سهلين أوي وهتحسي أنهم معلومات عامة بس لازم تحفظي النقط اللي هتتحدد اللي هي بتبق عناوين أو جمل مترقمة 123 وهكذا لأنها بتبجي short notes أو complete
لكن بوجه عام فكل المواد محتاجة فهم كويس وحفظ برضه عشان تعرفي تكتبي خاصةً مواد مدسن زي مانتوا عارفين لأانهم بيبقوا عايزين كتابة أكتر من اللي فاهمين وبرضه أكيد انتي مش هتعرفي تحفظي منغير ماتفهمي فأهم عنصر فالمزاكرة أنك تكوني فاهمة كويس أوي عشان لو الوقت زنقك وملحقتيش تحفظي جزئية بس انتي فاهمها تعرفي تعبري عنها وعشان امتحان الشفوي برضه

أتمنى أني أكون جاوبت على أسئلتك وأكون فيدتك
ولو عندك أي اسئلة متتردديش أنك تسألي
وربنا يوفقك ويوفق كل الطلبة ان شاء الله Surprised

_________________
there are a lot of things in life that will catch your eyes ,but only a few that will catch your heart...pursue those

أنا مش عارفة اقولك ايه
بجد كفيتى ووفيتى
شكرا

وربنا يخليه فى ميزان حسناتك
جزاك الله الف خير

بجد

ا انا كنت عايز اعرف الحاجات دية

يا جماعه

الف شكر

جزاكم الله كل خير

نورتونا فعلا
_________________

جامد اوى الكلا شكرا

يا سمر وسارة يجد افدتونا كتير
_________________

جزاكي الله خيرا
معلومات جميله او ي
ربنا يكرمكم يا رب
_________________
يا رب لك الحمد كما ينبغي لجلال وجهك وعظيم سلطانك

موضوع: رد: أسئلة؟؟؟؟؟ السبت سبتمبر 15, 2007 3:27 am

بجد

جزيلا
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]

ميرسي قووووووووووي يا ساره انتي وسمر
وان شاء الله ربنا يجزيكو خير علي المعلومات دي...
ده الواحد زي ما يكون كان في رباط حولين عينه وانتو شلتوه....
شكرا

ااااااااااااااااا........

جدا بجد الواحد كان عايز يسمع الكلام ده وربنا يوفقكم يا رب

موضوع: Question الثلاثاء سبتمبر 18, 2007 10:13 pm

د.الجندى بيدرس لينا ثلاث مواد ال OT,Muscle test &rehab
هل حنمتاحن الثلاثة في نفس الورقة ولا كل مادة منفصلة
شكرا

أولاً أهلاً بيكي في المنتدى

لأه مش هتمتحنوا كل المواد فنفس الورقة
كل مادة مستقلة بذاتها ودكتور الجندي مش هيديكوا المواد ديه كلها لوحده
مادة rehab & OT بيديها معاه دكتور ماهو القبلاوي
ومادة ms test بيديها معاه دكتور محسن بس هيدي في الغالب محاضرة واحدة بس
وكل مادة ليها سكاشنها وامتحناتها الخاصة بيها وأخر السنة كل مادة ليها يوم وليها درجاتها المستقلة

لو فيه اي أسئلة تاني متتردديش انك تسألي

Surprised

_________________
there are a lot of things in life that will catch your eyes ,but only a few that will catch your heart...pursue those

معلش هتقل على حضرتك فى تقسيمة السكاشن للعملى مكتوبة على تلات اقسام (جروبات)

كل جروب مكون من 10 اعضاء

اية الجروبات دية

مع العلم ان الجروب بتاعى 5 افراد فقط بينهم انا

لان اخر طلبة فى الفرقة الاولى
_________________
[img:d81a]http://cairopt.frbb.net/users/21/74/60/album/16501610.gif[/img:d81a]
[b:d81a]سبحان الله وبحمدة سبحان الله العظيم

اللهم اغفر لنا ذنوبنا[/b:d81a]