]دائما تتذكر القلوب المؤمنه بعضها ودايما وبدون اى مقدمات يا اجمل منتدى حبيت اكلمكم كلمات من القلب كلمات ليكم ومن واحده منكم فى حاجه انا بقيت بشوفها فى حياتى وفى كل مكان بروحه .الحاجه ديه ان النفوس بقت بتشيل من بعضها اكتر وام النفوس بقت تحمل ضغائن لبعض وكان السؤال اللى نفسى اسأله ليه مش بنحب بعض ليه محدش بيحب التانى بجد من قلبه مش عشان مصلحه او عشان ظروف دراسه ليه ضاع الحب وسطينا مش كزمايل واصحاب لا كمان فى البيت الواحد والعيله الواحده ليه بينا بنبص لكل حاجه بنظره ماديه انا هاعمل دا عشان هاستفيد كذا نسينا الجنه ونسينا ان الجنه سلعه الله وسلعه الله غاليه.ليه نسينا الحب اللى كان بيلم شمل الصحاب وشمل العيله.كتير منا كان له اصحاب فى اعدادى وثانوى منهم اللى لسه بيسأل عليه ومنهم اللى نسيوا بعض محدش فكر ليه احنا بقينا كده. اكيد كل واحد هيقولى الدنيا والحياه والايام هاقولكم اه الدنيا والحياه والايام بس فى سبب تانى ان فى مقوله بتقول ماكان لله دام واتصل وما كان لغير الله انقطع
ممكن تكونك انتم علاقتكم قويه جدا لكن بعد شويه هتلاقوا نفسكم الايام ممكن تفرقوكم وممكن تبعد الشله عن بعضها .
حاجه واحده بس اللى هتجمعكم حاجه واحده اللى هتفضل ربطكم ببعض حتى لو الدنيا فرقتكم حتى لو المكان فرقكم هتفضل ارواحكم متجمعه وهيفضل فى القلوب العهد باقى.
صدقونى اسموا بحبكم لبعض بان يكون حب خالص لله مش عشان مصلحه مش عشان اى حاجه فى الدنيا يا جماعه صدقونى لو ذقتم حلاوه الحب فى الله وانك تلاقى حد بيسأل عليك مش عشان انت سألت عليه لكن عشان هو بيحبك فى الله هتفرق الدنيا معاك لو تلاقى اللى بيحبك فى الله ده بيحبك وبينصحك لوجه الله وبيشد ايدك للخير وهو مش منتظر منك مقابل هتحس بان الدنيا بقت معاك وهتعيش اجمل لحظات دوروا يا جماعه على الحب فى الله واللى والله العظيم لو علم الملوك ما نحن فيه لجلادونا عليه بالسيوف.هو ارقى واجمل احساس هو سمو بالروح والنفس هو اروع شئ فى الحياه ياريت تجاوبوا سؤالى ان احنا ليه بقى بينا بغضاء وعدم حب وتقرؤا كلامى اللى خرج من قلبى عشان نحل مشكله كلنا اكيد حسينا بيها ومش لاقينا لها حل.
انى احبكم فى الله
دارين