يالا بينا نروح نشوف زبادى

(إثنان من التلاميذ فى حوش المدرسة)

تامر: يالاا يا طارق مش خارج برده من البوابة

طارق: م البوابة ليه يا بنى خلاص هو البوظان وصللك بيك للدرجة دى إمال عملوا السور لمين يابنى وبعدين أقول إيه للأولاد الصيع اللى بعلمهم فن وأصول الصياعة

تامر: طب المهم قبل ما أنسى انا عازمك النهارده على سهرة فى فندق (غضب الله العاصى)

طارق: تانى.. أظن هتقولى جاى

تامر: (مقاطعاً) لا دى رقصة للصبح مع الراقصة زبادى

طارق: يعنى زبادى ع السحور... ماشى يا ولة قبلت الدعوة

(وعند الخروج يصرخ طارق مشتكياً من مرض مفاجئ فى بطنه)

(تامر وطارق عند الدكتور .. قبل الدخول)

الدكتور: يارب.. الطب اللى فى دماغى عفن.. يارب عيان واحد أطلع فيه الطب اللى تعلمته كله.. يارب الشهادة بقت جبس ع الحيطة.. دا قرفت من الواد نحوس التمرجى كل يوم أعالجه بمرض هو مش فيه عشان مانساش حاجة.. يارب دانا هاخلى الناس تشيل صورى وتمشى بها فى الشارع كده ويقولوا دكتور معقد نفسه يخلى الطب مراية كل الناس تفهم فى الطب حتى نحوس هيفهم فى الطب, يارب مريض واحد وأنا.

نحوس: (يقول بصوت مرتفع من الخارج ) مريض يا دكتور

(يسرع الدكتور إلى التليفون ويقول)

الدكتور: ألو.. أيوه.. أنا مشغول لمدة سنة.. سنة ونصف

(ثم ينظر الدكتور إلى الاثنين ويمسك تامر السليم ويكشف عليه بأسلوب مضحك جداً...

طارق: آ.. آه.. (بصوت عالى يلفت نظر الدكتور)

الدكتور: يا سلام على الصداقة

تامر: دا طارق هو المريض

الدكتور: ما أنا عارف يا عينى بس بتأكد من عدم انتشار العدوى

(الدكتور يفحص طارق فحصاً دقيقاً )

الدكتور: قول آه...آه... آه

طارق: آه.. ياباه...آه ياماه...

الدكتور: فى شبه أسف وحزن) اسمع يابنى أنت المريض اللى عندك ده مرض خطير

طارق وتامر: فى إيه يا دكتور عنده إيه

الدكتور: عنده.. كمبوش

طارق: يعنى إيه

الدكتور: يعنى أحياناً تحس انك تعبان وأنت مش تعبان مثلاً أنت جنبك اليمين اللى تعبان ولا الشمال

طارق: اليمين

الدكتور: ده اللى حاسس بيه لكن الشمال هو اللى تعبان ويؤسفنى إنى أقول هتموت بعد 3 أيام

(يخيم شئ من الحزن على طارق وتامر ويبدأ الحوار)

طارق: تامر أنت عارف أنى هاموت بعد 3 أيام يعنى لازم تساعدنى علشان ألح علاقتى بربنا فيهم, وتقعد معايا علشان نقرا القرآن

تامر: قرآن إيه يا عم طارق وأنا لسة بصحتى وبعدين القرآن ده إحنا نعرفه إنه لحاجتين.. علشان نقراه فى المياتم.. وعلشان نحلف عليه

طارق: طب نصلى مع بعض مش أنت صاحبى

تامر: أيوه أنا صاحبك ولكن أنت خلاص مريض وهتموت عاوز تصلى وبعدين يا سيدى الصلاة دى للناس العواجيز واللى هيموتو زيك كده

طارق: كده ياللى كنت صاحبى أنا هبدأ لوحدى وإن شاء الله ربنا يغفر لى

(يبدأ فى مسك المصحف ويتلو قوله "قل يا عبادى الذين أسرفوا على أنفسهم..."

(ويشيد نشيد "يارب هل من توبة تمحو الخطايا والذنوب")

وبعد 3 أيام لا تحدث الوفاة )

طارق: تامر نروح للدكتور ما دمت سليم

طارق: (للدكتور) يا دكتور أنا الحمد لله كويس ومحصلش أنى مت

الدكتور: (يفحص سريعاً) إيه ده أنا للأسف شخصت غلط

(يتهلل وجه طارق وتامر ويخرجا معاً صائحين هيه)

طارق وتامر: بينا على زبادى

(وعلى باب العيادة يصرخ طارق ويقع على الأرض ميتاً ويخيم السكوت والصمت وينشد نشيد الإمام على)ليس الغريب

--------------------

هو محدش عاوز يدخل يشوف زبادى لييييييييييييييييييييييييييييييييييه

ياااااااااااااااااااااااااااه احنا كده مش بنعبد ربنا حق عبادته الا لما يحصلنا كارثه
هى تضحك بس بتنكئ الجراح والله
_________________
سيدوم حبا قد حواه القلب عن صدق ودين.سنظل نذكر بعضنا بدعائنا عبر السنين

و الله عندك حق يا دارين.انا قطست من الضحك.بس في الحقيقه المفروض تبكي
افمن هذا الحديث تعجبون و تضحكون ولا تبكون

دارين واسماء على المشاركة والتفاعل الجميل
وهذا اسكتش رائع يمزج البسمة بالالم والدموع ليوصل لنا موعظة قد تنكىء جراحنا وتثير عبراتنا ولكن الاهم ان تيقظ قلوبنا وابداننا الى العمل والرجوع الى الحق

الخاتمه.....ياه صعبه اوي ان الواحد يموت وهو في نيته ذنب معين او نيه سئيه.......
_________________

------------------------------------
اخاف ان تمطر الدنيا ولستي معي.. فمنذ جئت وعندي عقدة المطر
كان الشتاء يغطيني بمعطفه ...فلا افكر في برد ولا ضجر
كانت الريح تعوي خلف نافذتي...فتهمسين ..تمسك ها هنا ها هنا شعري

تم نقل الموضوع
_________________